Hagay 1:11 - Udél Dwata: Gna Kesfasad ne Lomi Kesfasad

¹¹ Deng hesutu lem benwu ye yóm tey kinì bong. Deng gefet bè yó kem bulul ne bè yó kem halay ye ne bè yó kem bungu grép hulu ye ne bè yó kem koyu ulib ye. Deng gefet ne bè kdê yó kem hulu tmowok bè tonok ye. Balù tau ne ógóf gotu gemnóm du nim tey kinì ni. Gotu glumfak yóm kdê hulu ye.”

Hagay 1:11 Referans Kwoze

Hagay 2:17

Hbelu tey lenos kinì ne hetbóhu bulók kulón eta yó kem hulu ye anì sidek. Okóm baluen ke lómón yó kmoen, là kô ye dog hegsel.

Dwata 28:22

Angat wen tey des sidek mahil gónó gbót hwiten ebélê ye, mung du yóm des bnolok ne des kinì. Ne bud heglumfaken kuy snéen yóm tey ékét kinì kdaw ne yóm tey lenos kinì mò hemsidek yó kem hulu ye. Ni kem heglumfak Dwata kuy ni, ngangen mò kuy efet ye gotu matay.

2 Bok Kem Tau Hol Geta 8:1

Yó tehe mon Ilaysa bè yóm libun boi tehe hlowilen ngaen, “Nwitem kem fes lówóhem, ne mebeli benwu gónóm nô, abay se hbel Dwata bitil bong lem nim benwu Israél ni lem yóm hitu halay.”

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Amus 9:6

Yó kem sodò seel yóm Gónô Dwata nô ditu ta bè longit, bede yóm tgel yóm Gónóen hdaen te tonok. Yóm él mohin, olohen tmaba du henbalingen kulón ete tonok. Dwata se kun boluy.

Amus 7:4

Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Jirimaya 14:2

“Yó kem tau bè Juda tey klangag le. Bè yó kem syudaden laen dù bud gónó le ma mò hbalù le bè yó. Tódô le myón bè tonok yóm kdéen tau lan le langag. Ya tey sidek kkik le yóm kdéen tau bè Jirusalim lemwót bè yóm alì sidek keglayam le.

Malakay 3:9

Deng ye gotu megtafak ne yóm kdê ye, yakà deng ye mnagaw béléu.

Malakay 3:11

Ke yó nmò ye, angat tey kbungu yó kem hulu ye abay se hensengu yó kem kuled hemsidek du. Ne yó kem grép hulu ye, là kóen skas tendo kbungu le,” udél yóm Dwata laen dù là gbeken du.

Hagay 2:19

Anien ke laen dù bud halay ye ne anien ke là deng le mungu yó kem grép ye ne yó kem koyu fig ye ne yó kem koyu ulib ye ne yó kem dumu koyu mungu ye, tódô lenwóten ni ne yóm któbóngu kuy.”