Hagay 1:10 - Udél Dwata: Gna Kesfasad ne Lomi Kesfasad

¹⁰ Yó gónóm mon, là kóen bud kmulón bè benwu ye ne laen kô dù hol tmowok du yó kem hulu ye.

Hagay 1:10 Referans Kwoze

1 Bok Kem Tau Hol Geta 8:35

Ke là bud hkulónem du lan le gemsalà béléem yó kem tauhem, ne ke smolu le ebè yóm Gónóem ni na le e hegsel béléem, ne ke knogol le yó kem salà le lanem tmafak kul,

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Husiya 2:9

Yó gónóm mon bud nwahu yóm halay ne tifas grép tehe gel blayu du ket halay. Bud nwahu snéen yóm nes nmoen gu bè bul ubiha ne yóm nes bukay alì mebtes tehe gel blayu du mò nesen.

Hagay 1:6

Tey bong bnék gel hla ye, okóm tek udì guta ye du. Wen se gel ken ye, okóm là kóen kóyów ne là kô ye gemtu du. Wen se gel ninum ye, okóm bud là se kóyówen. Wen se gel nes lesek ye, okóm sana gel ketnaw ye. Ne yóm tau gel mò nmò, là kóen kóyów yóm gel gutahen mò lowil le.