Hagay 1:1 - Udél Dwata: Gna Kesfasad ne Lomi Kesfasad

¹ Tehe yu ekni, wen tau hol geta kmamal bè Pérsya boluyen Daryus. Bè yóm hol tanay kdaw bè gnemen bulón bè yóm gewuhen halay kmamal bè yóm benwu yó, wen udél Dwata hlanen bè yóm sotu tugoden boluyen Hagay. Yóm udélen yó, hwiten ebè yóm gubérnor bè prubinsya Juda boluyen Sirubabél yóm ngà Syaltil logi ne ebè yóm geta bè yó kem gel demsù ebè Dwata boluyen Juswa ngà Jihusadak.

Hagay 1:1 Referans Kwoze

Isra 3:8

Duhen yó, deng lewu halay bud lewu bulón le deng kól bè Jirusalim, omin le yó mbut hemdà du yóm Gónô Dwata. Tódô kdê yó kem tau tehe negef deng bud mulék gotu semtóbóng mò nmò, gomong lemen le Sirubabél yóm ngà Syaltil, ne Jéswa yóm ngà Jihusadak kkólen bè yó kem dumuhen gel blóng ebè Dwata ne yó kem sfu Libay. Yó fen mogot du yóm bud kehdà le yóm Gónô Dwata yó, duhen yó kem sfu Libay deng lewu folò halayen duhen ke deng mukas.

Isra 3:2

Lemwót Jéswa yóm ngà Jihusadak, mung du yó kem dumuhen blóng ebè Dwata ne Sirubabél yóm ngà Syatil, mung du yó kem kun dumu setwoli, gotu sentóbóng hdà le yóm gónó le gel demsù ebè yóm sana kul Dwata yó kem tau Israél. Yó gónó le mò du anì bud dsù le bè yó yóm dsù hkekeb le ebè Dwata, tódô lolò le yóm hlau tehe snulat Musis yóm tau Dwata.

Hagay 2:10

Bè yóm gewuhen folò fat kdaw bè gesyómen bulón bè yóm gewuhen halay kogot Daryus benwu, bud mudél ebè Hagay Dwata yóm Dwata laen dù là gbeken du,

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

Hagay 2:20

Bè yóm kdaw yó, bè gewuhen folò fat kdaw bè yóm bulón yó, bud wen udél hwit Dwata ke Hagay

Hagay 2:4

Okóm ni, béen abay sidek kegnóm ye du. Tódô henlel ye mò nmò, yakà tendohe eles nô bélê ye.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Isra 1:8

Gotu hsóhen ke Mitridat, yóm tau fen gel mogot filak bè Pérsya, anì gotu listahen. Lemwót se ke Mitridat kun, gotu bud blayen ke Sisbasar yóm kdéen yóm tau fen malak yó kem tau tehe negef bud mulék ebè Juda.

1 Bok Kem Tau Hol Geta 14:18

Bè yóm kebeng le du yóm ngà yó, tey klangag le du yó kem tau Israél, lómón yóm deng tehe fasad Dwata hlanen bè Ahidya yóm tugoden.

Kun Snulat Luk 3:27

Yóm Jóda, ngà Juhanan. Yóm Juhanan, ngà Risa. Yóm Risa, ngà Sirubabél. Yóm Sirubabél, ngà Syaltil. Yóm Syaltil, ngà Niri. Yóm Niri, ngà Milki.

Kehewà 4:13

Okóm yó balà Musis du, monen, “Bê, Dwata. Ke hyu béléem, tódô dumu tau dé hógówem.”

1 Bok Kem Tau Hol Geta 10:15

Lelen yó he wen kem bwis gel gutahen bè yó kem tau gel hembalù, ne bè yó kem tau gel mò udél swa. Ne bud wen gel gutahen lemwót bè yó kem tau hol geta bè benwu Arab, ne dalang se bè yó kem gubérnor bè benwu Israél.

Hagay 1:2

Yó udél Dwata ebè Hagay yóm Dwata laen dù là gbeken du, monen, “Gel mon ni kem tau nô bè ni, ‘Là deng ni du he yóm kdaw bud kehdà tekuy du yóm Gónô Dwata.’ ”

Hagay 1:3

Duhen yó, wen udél hwit Dwata ebélê le hlanen bè Hagay yóm sotu tugoden, monen,

Hagay 2:21

ebè Sirubabél yóm gubérnor bè Juda. Yó udél hwiten, monen, “Móyón kninsigu longit ne tonok.

Malakay 1:8

Knóón béléu kô yóm kedsù ye ebéléu yó kem ógóf butô ne yó kem ógóf tugô ne yó kem ógóf wen desen? Tilów blay ye ebè gubérnor ye dé kun yó kem ógóf wen óngó le yó, hnénég ke hligal du ne ke wen blayen kuy,” udél yóm Dwata laen dù là gbeken du.

Hagay 1:15

Yóm kmò le nmò yó, nbut le bè gewuhen folò fat kdaw bè gnemen bulón bè yóm gewuhen halay kogot Daryus benwu.

Sikaraya 1:1

Tikóng bè yóm gwoluhen bulón bè yóm gewuhen halay kogot Daryus yóm benwu Pérsya, wen udél Dwata ebè yóm sotu tugoden boluyen Sikaraya yóm ngà Birikaya témê Idu.

Sikaraya 3:1

Omin yóm hógów Dwata gel stulón do hton du dou yóm geta bè yó kem gel blóng ebè Dwata boluyen Jéswa, mdà bè solu yóm hógów Dwata. Bè kwanan yóm hógów Dwata yó, mdà bè yó Seitan ne tey dê tifuen ke Jéswa.