Glasya 6:9 - Udél Dwata: Gna Kesfasad ne Lomi Kesfasad

⁹ Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Glasya 6:9 Referans Kwoze

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

2 Tisalunika 3:13

Okóm bélê ye kuy, kem dumu me setwoli, bê ye abay htakas mò du yóm hyu.

Hibru 12:3

Hol hendem tekuy dé yóm tey kehbalahen lemwót bè yóm alì kutó nawa le du yó kem tau gemsalà. Duhen yó, hol bê tekuy abay heblat nawa, ne hol bê tekuy abay htakas.

1 Pitér 2:15

Yó kóyô Dwata ke lemwót bè yóm kehyu kmò ye gónón laen dù bud udél le eta ye yó kem tau là hulungen hedem, yó kem tau tódô gemsanil kuy hkawang.

Sulat Jim 5:7

Duhen yó, kem dumuhu setwoli, hol hanay ye nawa ye efet kkól yóm gónó tekuy mogot. Lómón yóm tau tmiba, sal hanayen nawan efet gutahen bungu yóm huluhen. Hanayen se nawan hmatan kulón mò htowok ne hbungu yó kem huluhen.

1 Pitér 3:17

Ke kun kóyô Dwata ke glayam ye, là sideken se yó, syan ke lemwót bè yóm kehyu yóm deng nmò ye. Okóm ke glayam ye lemwót bè yóm ksidek nmò ye, tey bong sidek se yó.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

Deng Hegfan 2:3

Deng tonu snéen yóm khanay ye nawa, ne yóm tey kehbala ye du yóm gel keglayam ye lemwót bè yóm klolò ye do, ne yóm là ktakas ye lemolò do.

1 Pitér 4:19

Duhen yó, yu kem tau glayam nim kmoen ni lemwót bè kun kóyô Dwata bélê ye, tódô hogot ye ke Dwata yóm klowil ye, ne senflós ye mò du yóm hyu, abay se yóm tehe mifil kuy, là kô klifóten du yóm tehe fasaden kuy.

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

Matyu 24:13

Okóm hol ye hbala efet kól bè sónen anì angat guta ye yóm klowil laen dù sónen.

Deng Hegfan 2:7

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, angat hkenu kul bungu yóm koyu hlowil tau tmowok bè benwu Dwata.”

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

Kem Lingón 145:15

Kdéen mowil, gotu le lengalà ebéléem, Dwata, ne ke bitil le, sal gel wen ken blayem kul.

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

Sifanaya 3:16

Bè yóm kdaw yó, yó angat mon le ebè yó kem tau nô bè Jirusalim, “Bê ye abay bud hlikò, kem tau bè Sayun ne bê ye abay hlingay.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

Kem Lingón 104:27

Tódô kdê yó kem deng dlimunem, Dwata, són uu genléd nawa le mò hlowil kul.

Hibru 12:5

Là deng klifót ye du kô yóm tehe udél Dwata mò gónón gemduf kuy bè kngaen kuy, yóm monen, “Ó Ngà, hol kenmónem ke wen gónóhen hemtedeng kóm yóm gónóm mogot, ne béem kenblat nawa ke wen gónóhen mólów kóm.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Kem Lingón 126:5

Yó kem tau tehe mkik bè yóm igò le mehek, tles bud hefligalem lu bè yóm kuta le.

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Kehedem Tau Tmolok 11:1

Holi bemlay, abay se yóm blayem yó, angat bud mulék ebéléem elem hulin kdaw.

Jirimaya 45:3

Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

2 Kurin 9:6

Bê ye klifót nim monu ni, yóm tau mò hulu, ke udì huluhen, udì se angat gutahen. Okóm yóm tau bong kmoen hulu, bong se angat gutahen.

Tekang Kbuten 29:7

Yó mon Jakub mò kul, “Tolo tahà he kdaw, là deng uras ye mit kul mulék he yó kem ubiha ye, mò ye là géhél hinum kul du anì bud hótób ye lu?”

Matyu 9:19

Tahu se, tódô mung du Jisas ne yó kem gel lemolò du.

Matyu 25:17

Ne bud lemwót se kun yóm mogot lewu libu. Ngangen hból yóm kun efet bud lewu libu se uléken.

Mark 3:3

Ne mon Jisas mò yóm tau kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.