Biblia Todo Logo
Bib sou entènèt

- Piblisite -




Glasya 6:8 - Udél Dwata: Gna Kesfasad ne Lomi Kesfasad

8 Bud lómón yó se yóm nmò tekuy. Ke tódô loloen kun knóyô yóm tau, angat gutahen hatay laen dù sónen. Okóm ke loloen yóm kun kóyô yóm Tulus Dwata, angat gutahen klowil laen dù sónen.

Gade chapit la Kopi




Glasya 6:8
31 Referans Kwoze  

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.


Yóm tau ke hulung mit sefyu lem blóng kem dumuhen tau, hol lómón ke wen bnék huluhen. Ne yó nutahen du yóm huluhen yó, duhen yóm kehyu kmò.


Yó fasad le kul, mon le, “Ke lolò ye nim kum tolok, laen kô dù hlau bud gónó ye gfét ne.” Okóm là kô dog tngón le du yó kem tau tmolok sekban yó yóm tey kegfét le bè yóm sidek gel nmò le. Yó se henged fét le yóm alì óyô le mò sidek.


Ni se yóm dou deng ton, ke wen sidek hulu yó kem tau bud sidek se nuta le.


Bê ye hegsukat knô ye. Laen kô dù tau gemsukat ke Dwata. Yóm tau ke wen huluhen, yó se nutahen.


Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.


Yóm tau gel mulu yó kem nmò là tedengen, glumfaken bunguhen ne gesón se kehegnoken kem dumun.


Yóm tau mò sidek, tódô henlósen ne yó kem sidek nmoen. Yóm tau là mólósen, tódô henlósen se kun mò du yóm là mólósen. Okóm yóm tau hyu kmoen, hol henlósen sen mò du yóm hyu. Yóm tau laen dù belenen yóm kmoen, hol henlósen mò du yóm laen dù belenen.”


Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.


Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.


Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”


Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.


Holi heged mulu yóm kdê kay hulu, là kô tngónem du ke mahi du tmowok bélê le, duhen ke tódô kdê le gotu tmowok.


Ket tau, ke gloken gemtagak gónóen, ne yó kem dumuhen setwoli, ne yó kem tuhahen, kkólen bè yó kem ngaen, duhen ke tonoken lanen lemolò do, lematu dulék Dwata he bud hulék du ebéléen yóm deng gtebelen yó. Ne lelen yó he angat gmuta du yóm klowil laen dù sónen.


Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.


Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”


angat tey wen blay Dwata du balù ni hem kmoen ni, ne hulin kdaw angat gutahen yóm klowil laen dù sónen.”


okóm kuy, deng ye mom hligal yóm kdê ye lemwót bè yóm tilob él bè yó kem hulu ye. Ne hyu wen tilob gónó le mótób yó kem kudà ye ne yó kem safì ye. Tódô le kem tagaw bè yó, laen dù hemsidek kul.


Okóm yó kem tau gel tmolok sekban yó, laen kô dù ledem le, hol le mkél bè yó kem ógóf lem bnes, són mu le mò dnulok ne mò hnatay. Senged se yó kem tau monu yó koni, gel hennê le yóm kul là deng tngón du. Elem hatay nefeten yó dum nmò le yó.


okóm tey kkodu Dwata dou mò gónón hegfan du ebè yó kem dumu tau yóm hol kun kanay nawa Krays Jisas, igoen ou yóm tau alì gedlug kmoen salà. Yó gónó Krays Jisas mò du nim ni anì mgel nawa yó kem tau hemtahu béléen bè hulin kdaw, yó kem tau angat gmuta du yóm klowil laen dù sónen.


Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.


Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”


Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.


Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.


Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.


Senged se bè yóm angat kehlowil Dwata yó kem tau deng matay. Sal gel matay se nim lówó tekuy ni, ne omin le lembeng du. Là yó dum lówó tekuy sok angat bud hlowil Dwata, là kóen na a bud matay.


Swiv nou:

Piblisite


Piblisite