Glasya 6:5 - Udél Dwata: Gna Kesfasad ne Lomi Kesfasad

⁵ Kaem ket tau se smolu du yóm kun nmò.

Glasya 6:5 Referans Kwoze

Jirimaya 32:19

Teyi hulung hedem ne tey hentaw ton yóm gel nmoem. Gotu tngónem yóm kul gel nmò yóm kdéen tau ne blayem kul yóm ofol bang balà yóm kul gel nmò.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

1 Kurin 3:8

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

Deng Hegfan 22:12

Ne yó bud udél Jisas, monen, “Ngem móyóne bud kól ne. Wen ofol eles nwitu mò blayu yó kem tau mò balà yóm tehe kul gel nmò, yóm ket kul na sotu.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Kem Udél Hlalak Tehe Selumun 9:12

Ke wen khulungem hedem ni se yóm kóm kehyu. Okóm ke mom kenbéem laen dù dumu glayam són sem uu.