Glasya 6:4 - Udél Dwata: Gna Kesfasad ne Lomi Kesfasad

⁴ Yake ket tau dé hol hemklol du yóm kun kmò. Ke hyu, baling gsengel nawahen gemnóm du, là bud hegetahen du yóm kun nmò bè yóm nmò yó kem dumuhen.

Glasya 6:4 Referans Kwoze

2 Kurin 13:5

Yake hol henklol ye dé yóm kuy kmò ktau ke deng ye tahu hemtahu. Deng tahu nô bélê ye kô Jisas Krays? Ke là nóen bélê ye, kéng ye yóm kehtahu ye.

Kem Lingón 26:2

Tilówem ou, Dwata, hol hen-getem smisif dou. Tenngelem yóm nô lem but blututu, ne yóm nô lem hendemu.

1 Kurin 11:28

Duhen yó, na ye na gna hol henklol yóm kuy kmò. Ke hyu, omin ye yó he gbót mken ne minum.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kem Udél Hlalak Tehe Selumun 14:14

Yóm tau seblékê kehedemen gutahen bungu yó kem deng nmoen ne yóm tau hyu kmoen gutahen se bunguhen yóm kun gel nmò.

Glasya 6:13

Yó kem tau yó, tey klolò le du yóm htulì, okóm là kô na le e gotu glolò du kdê yó kem dumu hlau. Yó gónó le alì mgoy kuy anì wen gónó le megsalù bè kem dumu le Ju ke deng glolò ye yóm kul tolok.

1 Kurin 3:8

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

1 Kurin 3:14

Ke là mlóben yó kem ngom leketen bè yóm gónô hdà le yó koni, wen ofolen yóm tau tehe lemeket du.

Flipay 1:26

Ke yó se kmoen, bong kdóyón ye ke Krays Jisas soke bud kól lem blóng ye.