Glasya 6:1 - Udél Dwata: Gna Kesfasad ne Lomi Kesfasad

¹ Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Glasya 6:1 Referans Kwoze

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

2 Tisalunika 3:15

Là kô hnohon ye du dé, okóm lómó kmò ye ebéléen ke mudél ye ebè kem dumu ye hemtahu.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

2 Kurin 2:7

Tódô hnifót ye ne, ne ten-gel ye nawahen se kun anì là gehlós sidek kegnómen du, kô mom lana kehtahuhen.

Hibru 12:13

Hol henketeng ye kógów ye mò kenteng mata yó kem tolo megewu nawa le huli kuy. Ke lómón yó kmò ye, laen kô dù fen gesyat huli kuy, tódô mekteng se yóm kul kógów.

1 Pitér 3:15

Okóm hewót ye bè nawa ye dé mimón ke Krays, ne hol nadat ye, yakà du se yóm gónó ye mogot. Eles tendo hendem ye yóm kmò kbalà ye du ke wen tau smólók du yóm hendón nefet nawa ye.

Sulat Pol Ebè Yó Kem Tau Hemtahu Bè Rom 14:1

Wen sotu tulónu kuy bè kmò ye ebè yóm tau là dengen nelem kehtahuhen. Hol gel hmung ye bélê ye, okóm bê ye gel nit skuya bè yóm gónó ye stólóng bè kehtahu ye.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

1 Kurin 10:12

Duhen yó, ke yó hendem yóm sotu tau, là mahilen btang elem sindil, yake hol ten-gamahen, kô wen gónón btang.

1 Kurin 4:21

Mahil du de nóyô ye bè yóm kógówu edyó? Naw e tnafak yu kô, duhen ke hegfanu yóm tey kehyu kmou bélê ye?

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

1 Kurin 14:37

Ke wen bélê ye bè yó hendemen du sotu tau hógów Dwata, duhen ke deng wen kenhulungen lemwót bè Tulus Dwata, kaem dilóen nim snulatu ni hono lemwót bè hlau yóm gónó tekuy mogot.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

1 Kurin 2:15

Ke deng nô bélê tekuy yóm Tulus Dwata, gotu glileb tekuy ke tedu yóm hyu ne ke tedu yóm sidek. Okóm yóm tau là nóen béléen yóm Tulus Dwata là kô glileben du kun yóm kut kmò.

Sulat Pol Ebè Yó Kem Tau Hemtahu Bè Rom 8:6

Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Sulat Jim 3:13

Wen kô bélê ye temngón ne hulung hedem? Són sem bè khulungen mit ktauhen gónóhen gfan ke tahu duhen, ne bè yóm kehyu kmoen, mung du yóm khulungen heglaan mlan bè ketngónen.

Hibru 13:3

Bê ye abay klifót tmóbóng kul yó kem dumu ye geblanggù. Hol lómón kegnóm ye du dé, lómón ke yu yóm geblanggù. Ne yó kem dumu ye deng glayam, bê ye abay klifót tmóbóng kul. Hol lómón kegnóm ye du, lómón ke yu yóm deng glayam.

Glasya 5:23

ne yóm khulung heglaan, ne khulung mafas nawa. Ke deng gotu glolò tekuy ni kem ni, laen kô dù gulé tekuy du yó kem hlau Musis.

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

1 Kurin 3:1

Bè hol ktahuhen, kem dumuhu setwoli, bè yóm tehe ktoloku lem blóng ye, là hsengedu du bè yóm gel ktoloku yó kem tau deng galak bè yóm Tulus Dwata. Yóm ktoloku bélê ye, hol lómón ke toloku yóm tau là deng le hol hemtahu. Hol lómón ke hanà ye ngà bè yóm kehtahu ye.

Matyu 26:75

Ominen yó gbel bè nawa Pitér yóm deng tehe eles mon Jisas mò du, yóm monen, “Gu laanen là deng kmóót onuk kifu ni kdeng, deng sana tlu dulékem hmalà yóm ketngónem dou.” Unihen gbel bè nawahen yóm tehe mon Jisas mò du, tódô hewà, ya tey sidek kkiken.

Matyu 26:69

Sana tolo kyón Pitér talak lósól he kun. Ne mógów ebéléen sotu bè yó kem ngà libun gel dók yóm tau geta bè yó kem gel demsù ebè Dwata, monen mò ke Pitér, “Kaem uu se sotu tau gel mung ke Jisas, yóm tau lemwót bè Galili.”

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Glasya 6:18

Yó ne kóó, kem dumuhu setwoli. Yó hem gónó tekuy mogot Jisas Krays hol tendo tmóbóng kuy se kuy.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

2 Kurin 2:8

Hol kóyóu bélê ye ke hegfan ye béléen yóm kbong nawa ye du.