Glasya 5:16 - Udél Dwata: Gna Kesfasad ne Lomi Kesfasad

¹⁶ Yó hol monu mò kuy, yake hol ye halak dé bè Tulus Dwata. Ke yó se nmò ye, là kô bud bninguy ye du yó kem sidek knóyô lówó ye.

Glasya 5:16 Referans Kwoze

Glasya 6:8

Bud lómón yó se yóm nmò tekuy. Ke tódô loloen kun knóyô yóm tau, angat gutahen hatay laen dù sónen. Okóm ke loloen yóm kun kóyô yóm Tulus Dwata, angat gutahen klowil laen dù sónen.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Sulat Pol Ebè Yó Kem Tau Hemtahu Bè Rom 6:12

Hol kenbê ye yóm salà anì là bud ye gmung bè yóm sidek knóyô lówó tau.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.

1 Pitér 4:6

Yó kem tau gna matay yó, deng eles wen hetngón du kul snéen ekni yóm Tulón Hyu lemwót bè Dwata. Deng le gotu mlef ne yó kem tau yó, abay se yó se yóm tehe olu Dwata yóm kdéen tau, sal gel mlef. Yó gónón wen tau eles hetngón du kul yóm Tulón Hyu anì guta le yóm klowil laen dù sónen lómón yóm kun klowil Dwata.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Kulasi 2:11

Bè yóm deng kessotu ye bè Krays, deng wen ilô nmoen bélê ye. Sundu bè kehtulì du, okóm yóm ilô nmò Krays, duhen yóm là bud kegfét ye du ne yóm óyô ye mò sidek.

Glasya 3:17

Yó hol lemen yóm monu. Yóm deng tehe fasad Dwata ke Abraham là kô bud nilihen du. Là kô yó du tles Dwata du yóm hlau tehe hsulaten ke Musis bè yóm fat latu bud tlu folò halay kogol yóm kfasaden du yó. Là kô gbeken du yóm hlau snulat Musis ke tô genbaen yóm deng fasad Dwata.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

1 Kurin 7:29

Yó gónóhu mon du nim ni, kem dumuhu setwoli, abay se là buden té ne dù kdaw tekuy. Lenwóten ni ne, yóm logi deng myehen, béen abay geskét bè yehenen anì mekteng kmoen nmò bè Dwata.

Tekang Kbuten 6:3

Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.”