Glasya 5:11 - Udél Dwata: Gna Kesfasad ne Lomi Kesfasad

¹¹ Ke béléu dou, kem dumuhu setwoli, ke tahu se yóm gel mon le gel hlolou yó kem tau yóm hlau bè kehtulì, moen se du ke gel hensidek le ou yó kem dumuhu Ju? Ke tahu se yóm mon le yó, là kô lenbut le dou, baluen ke homong toloku yóm katay Krays bè kros.

Glasya 5:11 Referans Kwoze

1 Kurin 1:23

Okóm bélê me kum, tek sotu yóm kum gel tulón, duhen yóm tehe ktutuk le ke Krays bè kros. Nim tulón ni, tey kekbê le du yó kem Ju. Ne bud yó kem tau là Ju le, bè kul kehedem du, hol tulón laen dù muhen.

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

Glasya 4:29

Bè yóm kdaw yó, yóm ngà twogu boluyen Ismaél, yóm ngà lemwót bè kesyehen tau, gel hensideken yóm twolihen boluyen Isak, yóm ngà lemwót bè Tulus Dwata. Efet nim kmoen ni, senged se kmoen.

Glasya 2:3

Ne tahu se, gotu senkotuk le. Ngem yó dém Taytus, yóm ngà Grik dumuhu, là kô nubug tnulì le du yó kem Ju.

1 Kurin 15:30

Ne bélê me kum, ke là se tahuhen yóm angat bud kehlowil Dwata kem tau, tedu se muhen yóm alì kehbala me du yóm tendo gel kehsidek le kum ket kdaw?

Kul Nmò 21:21

Deng wen ne tmulón du bè yó kem Ju hemtahu bè Jisas bè ni bè Jirusalim yóm gel ktolokem bè yó kem Ju menwu lem blóng yó kem tau là Ju le. Yó kun gel monem, bê ye bud lolò ne yó kem hlau Musis ne bud mon le gel tolokem yó kem tau, bê le bud lolò ne yó kem hlau bè ktulì kem ngà ne yó kem dumu adat le.

Glasya 6:17

Ni se mò sónu du, hol béen abay wen tau bud tô hemkéng du yóm kehmò Jisas du do nim nmou ni. Hnénég ye ni dé lówóhu, deng hono lekes halì. Ni se ilô yóm deng kimónu du yóm gel dók Jisas do.

1 Kurin 1:18

Bè yóm gel ktulón me yóm katay Jisas bè kros, ofo kul mon du yó kem tau tolo golu elem hatay ke tulón laen dù muhen. Okóm bélê tekuy kem tau deng gewà gu lem hatay, tódô tngón tekuy bè yó gónón gfan yóm tey kfasang Dwata.

Kul Nmò 21:28

“Ó kem dumu me tau Israél, tnóbóng ye mi. Ni se yóm tau tendo tmolok bè yó kem dumu benwu. Yóm toloken yó, hen-gnoken tekuy kem tau Israél, dalang se yóm hlau Musis, kkólen bè nim Gónô Dwata nii. Lelen yó he hgolu yóm Gónô Dwata bè yóm kwiten elemen yóm tau là Juhen. Deng nuléhen yóm hlau bè Gónô Dwata yóm nmoen yó.”

Kul Nmò 16:3

Móyô Pol ke niten Timuti bè yóm kógów le. Yó nmoen, nan tnulì anì là kenbê le du yó kem Ju ke gbol lem blóng le. Abay se tódô kdê le bè yó, gotu tngón le tau Grik yóm maen.

Isaya 8:14

Lemwót bè yóm klaen dù belenu yó, yó gónó le likò do yó kem tau. Hol lómón ke ou yóm botu gónó le tlokob. Ne hol lómón ke ou yóm holot gónó le bkó yó kem tau bè benwu Juda ne bè benwu Israél ne bè syudad Jirusalim.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.