Glasya 5:10 - Udél Dwata: Gna Kesfasad ne Lomi Kesfasad

¹⁰ Okóm bélê ye kuy, tolo mgel nawahu kuy. Lemwót bè yóm deng kessotu tekuy bè yóm gónó tekuy mogot, tódô tngónu là kô glolò ye du yóm tolok sekban yó. Nô kihu ne yóm tau sembeweg kuy bè yó, Dwata he tmafak du.

Glasya 5:10 Referans Kwoze

Glasya 5:12

Yó kem tmolok sekban yó, yake bê le dog hensawang yóm alì óyô le mò du yóm kehtulì yó. Hyu ke tódô hlós knafun le knô le ne.

Flipay 3:15

Yóm kdê tekuy deng malay kehtahuhen, yake lómón ni dé kehedem tekuy. Okóm ke wen bélê ye tólóng kehedemen, heglileb Dwata kul he nim ni.

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

1 Timuti 1:20

Ni se deng nmò le Hayminus lewu le Aliksandér. Yó but gónóhu tmafak kul, tódô bayau lu ebè yóm kun kfasang Seitan anì wen mò kendlà le, anì là bud nmò le du yóm ksidek kebkó le ebè Dwata.

Glasya 6:17

Ni se mò sónu du, hol béen abay wen tau bud tô hemkéng du yóm kehmò Jisas du do nim nmou ni. Hnénég ye ni dé lówóhu, deng hono lekes halì. Ni se ilô yóm deng kimónu du yóm gel dók Jisas do.

Glasya 4:17

Bong yó kem tau tmolok sekban bélê ye bè yó, hol lómón tô tey hendem le yu, okóm là hyuhen yóm nô lem hendem le. Yó hol kóyô le ke knogol ye ou, ne són lu baling bud lolò ye.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

2 Kurin 10:6

Ke deng gotu hegfan ye yóm kimón ye du yóm hlolò me kuy yó, yó he kógów me edyó. Ne ke tolo wen dumu tau là mimónen, yó he ktafak me kul.

1 Kurin 5:5

na ye tódô bayà bè Seitan he yóm tau yó anì nan hol glayam lówóhen, syan ke bud mulék nawahen ebè Dwata anì là gehlósen elem hatay bè yóm kdaw angat kehdaen du bè soluhen yóm gónó tekuy mogot.

Kul Nmò 15:24

Gungol me yóm tey kesbeweg ye bè yó lanen wen tau tmolok bélê ye lemwót dini bélê me, okóm là kô tngón me du yóm kul nmò yó.

Filimun 1:21

Bè yóm kehwitu du ebéléem nim sulat ni, là kóen megewu nawahu du yóm kimónem do. Tódô tngónu msud senta yó hem hnihu yóm kóm kmò du dyó.

2 Tisalunika 3:4

Lemwót bè yóm gel któbóngen kuy, yó gónón mgel nawa me kuy. Tngón me deng nimón ye yó kem tehe hlolò me kuy, ne tngón me se tódô hlós yóm kimón ye yó.

Glasya 4:20

Hyu ke tódóe suyó kuy anì hol tekuy stulón. Tey sidek kónó nawahu kuy.

Glasya 4:11

Tey mónó nawahu kuy, kô mulék kafa yóm deng tehe toloku kuy.

2 Kurin 13:10

Yó gónóhu gna hemwit sulat ebélê ye ni gu laan tekuy là deng bud ston anì laen dù gónóhu tmafak kuy soke kól dyó lem blóng ye. Yó hol muhen yóm kfasang blay Krays dou mò gónóhu tmóbóng kuy bè kehtahu ye. Sundu yó du muhen ke mò gónóhu hemsidek kuy.

2 Kurin 10:2

Yó udélu ebélê ye, yake hol tenles ye kmò ye anì là gungol ye du yóm udél des soke kól dyó. Là kóe likò mudél kul yó kem tau gel mon du bè yóm gel nmò me lem blóng ye kun, hol me mkél bè kul kehedem yó kem tau te tonok.

2 Kurin 8:22

Bè yóm kógów le Taytus edyó, bud wen hmung me kul, yóm sotu dumu tekuy hemtahu. Deng hónô gtanud me ne nim tau ni, ne són nawa tmóbóng ton me béléen. Milud he kóyóen tmóbóng nim kmoen ni abay se tey mgel nawahen kuy.

2 Kurin 7:16

Béléu do, tey kligalu nim kmoen ni, abay se deng baling bud mgel nawahu kuy ne bè yóm kehtahu ye.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

2 Kurin 2:6

Tey dê bélê ye deng gbót tmafak du yóm tau yó. Geblaen yó ne.

2 Kurin 1:15

Bè kegnómu du, tolo wen kligal ye béléu. Yó gónóhu na gna tô slob bélê ye bè yóm kógówu ebè prubinsya Masdunya, ne bude tô slob bélê ye bè yóm kkólu gu ditu anì lewu duléku tmóbóng kuy. Ne sotuhen, anì yu fen hewót dou bè yóm kógówu ebè prubinsya Judiya.

Glasya 5:7

Tehe tey tedeng klolò ye ke Krays. Tau du se hemseng kuy anì là bud lolò ye du yóm ktahuhen? Tedu se aluhen kuy du yóm tau yó?