Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.
Ya mon ke tau talak tonok yóm tahu gónó ye mogot. Syan dé bê ye nmò yóm sidek bè yóm là kogot ye bélê le. Hol henyu ye kmò ye bè kem dumu tau, abay se tauhen yu Dwata.
Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.
Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.
Duhen yó, kem dumuhu setwoli, yóm kdê tekuy deng hemtahu bè Krays, hol lómón ke tekuy se yóm kun ngà yóm libun là hesek du. Là kô tekuy ngà yóm libun hesek.
Hol bud nulék ye yóm deng tehe gna gungol ye bè yóm tehe tolok le kuy ne hol hentahu ye. Hol nimón ye dé, ne hol knogol ye yó kem salà ye. Ke là hetngón ye, tódô kentutu yu lómón ksut yóm tau mnagaw, là kô tngón ye du yóm kdaw ksutu.
Yó fasad le kul, mon le, “Ke lolò ye nim kum tolok, laen kô dù hlau bud gónó ye gfét ne.” Okóm là kô dog tngón le du yó kem tau tmolok sekban yó yóm tey kegfét le bè yóm sidek gel nmò le. Yó se henged fét le yóm alì óyô le mò sidek.
Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.
Duhen yó, moen de ke tô tilów ye Dwata bè yóm blat tô hbô ye kul ni? Yóm tô hlolò ye kul, balù yó kem tehe fù tekuy ekni, là kô gbek le lemolò du kul, sélét mom tekuy ne.
Ke deng tnaba yóm gónó tekuy mogot yóm tau klifen, là kóen bud klifen ne bè yóm ktonen du yóm gónón mogot. Senged snéen yóm tau là klifenen, ke deng tnaba Krays deng klifen béléen ne.
Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.
Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.
Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.
Duhen yó, kem dumu me setwoli, hol henbegel ye yóm kuy kdà, ne hol nkem ye yóm ktahuhen deng gel tolok me kuy, dalang se yóm tehe gel tulón me kuy bè yóm ksulat me ebélê ye.
Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.
Okóm ke kendel myehen igoen tolo mowil yóm gna tuha logihen, yó gónó le mon du mdà yehen. Okóm ke deng matay se yóm gna tuha logihen, laen kô bud gónón gfét. Là kô monem du mdà yehen ke bud myehen.
Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”
Ngem yó dé botong kehbala ye, tódô kem nimón ye yóm tau gel mdók kuy. Baluen ke wen hni le bélê ye, tódô blay ye kul. Baluen ke gholot ye bélê le, duhen ke henwog le yu, duhen ke tenfê le yu, tódô kem henbala ye snéen.