Glasya 4:8 - Udél Dwata: Gna Kesfasad ne Lomi Kesfasad

⁸ Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

Glasya 4:8 Referans Kwoze

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

1 Tisalunika 4:5

Bê ye abay gekteng du yóm nawa hdóyón, lómón yóm kul gel nmò yó kem tau là deng temngón ke Dwata.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.

2 Tutul Israél 13:9

Deng gotu lo ye lu yó kem tau gel blóng ebè Dwata, kem sfu Aron ne yó kem sfu Libay. Ne deng wen kem tau nélék ye mò blóng ye ebè dwata kéng, lómón yóm gel nmò yó kem tólóng tau bè dumu benwu. Kihu tau sut bélê ye ke wen safì tuduhen duhen ke wen hitu ubihahen, gbek ye ne hembaling du mò blóng ye ebè yóm dwata kéng ye là tahuhen.

Ifisus 4:18

Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.

1 Kurin 12:2

Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

Jirimaya 10:25

Yóm kebutem, Dwata, hol kokem eta tu kem tólóng tau kembê kóm, tu kem tau là tmaba le ebéléem. Yakà deng gotu hnatay le yó kem tauhem. Deng gotu genlà le mi yóm kdê me ne deng gbà yóm kum benwu.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kul Nmò 17:23

Denge bliwel gu lem nim syudad ye, gotu tonu yó kem gónô gónó ye gel tmaba ebè yó kem kuy dwata. Ne hyu tonu se yóm sotu gónó ye gel demsù, ne wen snulat ye bè yó, yóm monen, ‘Yóm dwata laen dù temngón boluyen.’ Yóm dwata là tngón ye du boluyen yó,” mon Pol, “ni sem yóm Dwata dou tulón ni.

Kul Nmò 14:12

Yó tô boluy le kul le Pol boluy yó kem dwata le. Boluy le ke Barnabas, Sus. Ne fen boluy le ke Pol, Hérmis, abay se du fen gel mudél ebélê le.

Kun Snulat Jan 1:10

Yóm Udél yó koni, deng nô lem benwu. Balù bè yóm tehe kehedlimun Dwata du yóm klamangen benwu, ewenem là kô dog dilô le du yó kem tau nô lemen.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Sulat Pol Ebè Yó Kem Tau Hemtahu Bè Rom 1:23

Là kô dog hentahu le du yóm Dwata laen dù tul katayen. Deng mom yó hentahu le yóm dwata kéng kul lenbù nmò. Wen heskél le bè tau, igoen mahil matay yóm tau. Wen se heskél le bè onuk koyu, wen se bè ógóf, wen se bè ulal.

Glasya 4:3

Hol lómón yó se yóm kmò tekuy. Yóm gu laan tekuy là deng gulit bè kehtahu tekuy, lómón ke tolo tekuy ghesek bè yó kem dê hlolò le tekuy yó kem tau lem benwu.