Glasya 4:6 - Udél Dwata: Gna Kesfasad ne Lomi Kesfasad

⁶ Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Glasya 4:6 Referans Kwoze

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

2 Kurin 3:17

Yóm gónó mogot monen yó, du se yóm Tulus Dwata. Ne ke deng nô bélê tekuy yóm kun Tulus yóm gónó tekuy mogot, là bud tekuy gfét du ne yóm hlau gnan.

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

Sulat Jud 1:20

Okóm yó dum kuy, kem dou dumu swè, hol sentóbóng ye mò du yóm gónón mbegel kehtahu ye bè Dwata. Ke gel ye mni bè Dwata, hol ye halak bè kun kfasang yóm Tulusen.

Kun Snulat Jan 16:7

Okóm tódô tulónu kuy ktahuhen,” mon Jisas. “Tey hyu bélê ye nim kuléku ni. Ke là muléke, là kóen angat sut bélê ye yóm mò tmóbóng kuy. Okóm ke muléke, yó he khógówu du edini bélê ye.

Kun Snulat Jan 14:16

Angat wen hnihu bè Mà mò tles bud tmóbóng kuy, ne laen dù sónen yóm knóen bélê ye.

Kun Snulat Luk 11:13

Balù se yóm kuy là kgulit,” mon Jisas, “ewenem sana khulung ye bemlay kem ngà ye yóm hyu bélê le. Milud he yóm Mà tekuy bè longit ke hni ye béléen yóm kun Tulus, tódô blayen kuy.”

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Kun Snulat Luk 11:2

Ne tahu se. Yó mon Jisas mò kul, “Ke mni ye bè Dwata, yó kmon ye du, mon ye, ‘Mà, kóyô me ke kdéen tau hol madat yóm kóm boluy. Kóyô me ke géhél nogotem yóm klamangen.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Ifisus 1:13

Senged se kuy, deng ye baling kem kun tau Dwata lemwót bè yóm kungol ye du yóm tahu tulón, duhen yóm Tulón Hyu gónó ye temngón du yóm lan ye gewà gu lem hatay. Deng ye hemtahu bè Krays, ne yó gónó Dwata hemsù du bélê ye yóm kun Tulus tehe fasaden tekuy mò ilô yóm deng kfunen tekuy.

1 Kurin 15:45

Monen bè Sulat Dwata, “Yóm tanay tau boluyen Adam, nyuf Dwata lem baken, ominen yó he baling mowil.” Okóm ke Krays kun, yóm niba le hol són Adam, du se fen bemlay tekuy yóm klowil laen dù tul sónen.

Kul Nmò 16:7

Tikóng le kól bè kilil yóm prubinsya Misya, bud le tô móyô hlós subô ebè prubinsya Bitinya, bud là bayaen kul yóm Tulus Jisas.

Kun Snulat Jan 7:39

Yóm él mon Jisas ni, hnigaden yóm Tulus Dwata angat blay Dwata bè yó kem tau hemtahu béléen. Bè yóm kmon Jisas du yóm yó, là deng blay Dwata du he, abay se là dengen mulék ebè longit Jisas.

Mark 14:36

“Ó Mà, laen dù là gbekem du. Hol kóhem tahu dé yóm angat tey hlayamu. Okóm balù wen se ni hem dou kóyô, yó dém kóm kóyô tódô hendengem.”

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.