Glasya 4:3 - Udél Dwata: Gna Kesfasad ne Lomi Kesfasad

³ Hol lómón yó se yóm kmò tekuy. Yóm gu laan tekuy là deng gulit bè kehtahu tekuy, lómón ke tolo tekuy ghesek bè yó kem dê hlolò le tekuy yó kem tau lem benwu.

Glasya 4:3 Referans Kwoze

Kulasi 2:20

Hol lómón ke deng tekuy gomong matay bè Krays, là bud te gfét du yóm dê hlolò le yó. Ke ni se kmoen, moen de ke segmung ye bè kul kmò yó kem tau te tonok? Moen de ke tô lolò ye yóm gel mon le,

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

Glasya 4:31

Duhen yó, kem dumuhu setwoli, yóm kdê tekuy deng hemtahu bè Krays, hol lómón ke tekuy se yóm kun ngà yóm libun là hesek du. Là kô tekuy ngà yóm libun hesek.

Kul Nmò 15:10

Duhen yó, moen de ke tô tilów ye Dwata bè yóm blat tô hbô ye kul ni? Yóm tô hlolò ye kul, balù yó kem tehe fù tekuy ekni, là kô gbek le lemolò du kul, sélét mom tekuy ne.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Kun Snulat Jan 8:31

Ne yó udél Jisas ebè yó kem tau deng hemtahu béléen, monen mò kul, “Ke tendo nimón ye ni kem toloku, deng ye baling tau hol tahu lemolò dou ne.

Hibru 7:16

Yóm keseblóngen yó, là lemwóten bè yóm kun kesfu gónó le mélék du, okóm yó gónó Dwata mélék du, abay se tey kfasangen lemwót bè yóm klaen dù sónen yóm klowilen.

Glasya 4:25

Nim Hagar ni, bud henléden yóm bulul Sinay bè benwu Arabya. Ne sotu bud henléden, duhen Jirusalim ne yóm kdéen tau nô lemen gel lemolò yóm hlau Musis, yóm hlau gónó le ghesek.

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Matyu 11:28

Mógów ye ebéléu dé, yu kem tau miteg lemwót bè yóm keblat yóm gel nbô ye. Fen henwósu bélê ye yóm blat yó.

Sulat Pol Ebè Yó Kem Tau Hemtahu Bè Rom 7:14

Tngónu yóm hlau, hono lemwót gu bè Dwata, laen kô sidek nô du. Okóm béléu yóm gónón sidek, abay se tauhe gemsalà, gféte bè yóm sidek.

2 Kurin 11:20

Ngem yó dé botong kehbala ye, tódô kem nimón ye yóm tau gel mdók kuy. Baluen ke wen hni le bélê ye, tódô blay ye kul. Baluen ke gholot ye bélê le, duhen ke henwog le yu, duhen ke tenfê le yu, tódô kem henbala ye snéen.

Glasya 4:2

Yóm igoen hanà ngà, wen gel semgyok du, ne bud wen se fen mogot yó kem kimuhen efet kól bè yóm kdaw deng eles katul maen du bè yóm kogoten du yó kem kimuhen yó.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

Glasya 4:24

Ni kem lewu libun ni, sal wen henléden. Yó henléden, duhen yóm lewu kesfasad nmò Dwata mò lan tau hloni ebéléen. Yóm libun hesek boluyen Hagar, hono hesek yó kem kun ngà. Yó henléden yóm Hagar, duhen yóm hlau tehe blay Dwata ke Musis bè bulul Sinay.

Hibru 5:12

Tey deng kegen ye hemtahu, yake deng ye kem olò hulung tmolok ne yóm Udél Dwata bè kem dumu ye. Là myó. Hyu ke wen tau na bud tmolok kuy yóm hol tanay dnalang yóm tau hemtahu lemwót bè yóm Udél Dwata. Yó gónóhu e hmingun kuy, hol lómón yóm ngà tolo tmutù. Là deng gbeken du he mken du yóm mgel.