Glasya 4:18 - Udél Dwata: Gna Kesfasad ne Lomi Kesfasad

¹⁸ Tey hyu ke hol hendem le yu, syan ke là sideken yóm nô lem hendem le. Bong tahu se nim monu ni, yake tódô senflósen wen hemdem kuy, là olon bè yóm knóu lem blóng ye.

Glasya 4:18 Referans Kwoze

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Glasya 4:13

Hentulón ye nawa dé yóm but gónóhu tmulón du kuy yóm Tulón Hyu, hol lemwót bè yóm tehe kwen desu.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Kem Lingón 119:139

Tey sidek kkinì kuluhu bélê le yó kem hohonu, abay se là kenmón le du yó kem udélem.

Kun Snulat Jan 2:17

Bè yóm kton le du yó kem gel lemolò ke Jisas yóm nmoen yó, tódô gtulón bè nawa le yóm deng monen bè Sulat Dwata, yóm monen, “Ó Dwata, lemwót bè yóm alì kngalihu yóm gónóem, yó angat duón le hmatay do.”

Isaya 59:17

Bè yóm kehewaen kul yó, yó henged oniten, duhen yóm kukum tedeng nwiten. Yó henged sloung tóken, duhen yóm kfasangen lemwà kul. Yó henged nesen, duhen yóm hol óyóen tmóbóng kul ne yóm óyóen meles kul.

Kem Lingón 69:9

Tey kkinì nawahu edu yóm Gónóem, Dwata, lómó kegnómu du, hol lómón ke ofi temluk lem kfuhu. Fen tódô ebéléu yóm kehnê le kóm yó kem tau.

Glasya 4:20

Hyu ke tódóe suyó kuy anì hol tekuy stulón. Tey sidek kónó nawahu kuy.

Glasya 4:17

Bong yó kem tau tmolok sekban bélê ye bè yó, hol lómón tô tey hendem le yu, okóm là hyuhen yóm nô lem hendem le. Yó hol kóyô le ke knogol ye ou, ne són lu baling bud lolò ye.