Glasya 4:16 - Udél Dwata: Gna Kesfasad ne Lomi Kesfasad

¹⁶ Yó kô tô gónó ye hmohon do lemwót bè yóm deng ktulónu du kuy yóm ktahuhen?

Glasya 4:16 Referans Kwoze

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Kem Udél Hlalak Tehe Selumun 9:8

Béem dog bnólów ne yóm tau sedekà, déke mom knutó nawahen uu. Ke bnólówem yóm tau hulung hedem mom kenbong nawan uu.

Glasya 5:7

Tehe tey tedeng klolò ye ke Krays. Tau du se hemseng kuy anì là bud lolò ye du yóm ktahuhen? Tedu se aluhen kuy du yóm tau yó?

Kun Snulat Jan 8:45

Okóm,” mon Jisas, “hono tahu yóm gel tulónu kuy, ne yó se gónó ye là hemtahu dou.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

1 Bok Kem Tau Hol Geta 22:8

Bnalà Ahab se, monen, “Wen sotu duen tugod Dwata, okóm tey keklitu du. Laen kô dù hyu deng tulónen do, són yóm sidek. Yó boluyen Mikaya ngà Imla.” Bnalà Jihusafat se, monen, “Béem abay mon yóm yó. Na te na hnungol ke tedu yóm kun tulón.”

Glasya 2:5

Okóm balù udì ke dog bninguy me yóm kul tulón. Yó hol sen-galu me ke béen wen bud tnù le du yóm ktahuhen deng tulón me kuy, duhen yóm Tulón Hyu gbak ebè Jisas.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

2 Tutul Israél 25:16

Okóm yóm igoen tolo mudél, yóm tau Dwata yó, tódô kendel tenbleng yóm tau hol geta, monen, “Deng nélék me uu kô mò gónón hmungol hlau yóm tau hol geta? Béi abay bud mudél, déke hfatayu uu.” Duhen yó, tódô mulék yóm tugod Dwata yó, bede wen eles hetgamahen yóm tau hol geta, monen, “Tngónu deng eles nô bè nawa Dwata ne gemlà kóm bè nim nmoem ni, là kô dog hnungolem du yóm hlauhu kóm.”

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

Glasya 4:15

Ya tey kligal ye bè yóm kdaw yó. Tódô dilóu ke nawa ye tehe gbek lemsit du yóm mata ye mò tles yóm dou, botong gmò ye. Tedu se buten yóm deng kili nawa ye ni?

Glasya 4:17

Bong yó kem tau tmolok sekban bélê ye bè yó, hol lómón tô tey hendem le yu, okóm là hyuhen yóm nô lem hendem le. Yó hol kóyô le ke knogol ye ou, ne són lu baling bud lolò ye.