Glasya 4:12 - Udél Dwata: Gna Kesfasad ne Lomi Kesfasad

¹² Yó hol sen-galuhu bélê ye, kem dumuhu setwoli, ke hol dnalang ye yóm dou kmò. Bè ktahuhen, balù yóm ktauhu Ju là kóe gfét du yó kem hlau yó kem Ju. Yóm tehe knóu dyó lem blóng ye, laen selen yóm kehyu nawa ye ebéléu.

Glasya 4:12 Referans Kwoze

2 Kurin 2:5

Yóm tau mò sidek lem blóng ye bè yó, là kô ou du senbewegen, kaem yu se, yu kem tau hemtahu bè yó, wen se bélê ye senbewegen. Yó gónóhu mon du yóm monu yó anì là katen sidek kegnómen du lemwót bè yóm udélu.

1 Bok Kem Tau Hol Geta 22:4

Ominen beklil ebè Jihusafat, snólóken, “Mungi do kô ne te e nundug yóm benwu Ramut-gilyad?” Bnalà Jihusafat se, monen, “Duónen du, igò te sem setwoli, ne yó kem do sendalù lómón ke kóm sendalù. Balù yó he kem kudau gbeku hemwit du kóm.”

Tekang Kbuten 34:15

Okóm són gónó me móyô kóm, ke ket logi bélê ye, gotu le htulì, lómón yóm kum.

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

2 Kurin 6:13

Tey hyu dé ke kenbong nawa ye mi se kum mò balà yóm kum nawa kuy. Yó gónón lómón ni kudélu ebélê ye, abay se lómón ke hol ngau yu.

Kul Nmò 21:21

Deng wen ne tmulón du bè yó kem Ju hemtahu bè Jisas bè ni bè Jirusalim yóm gel ktolokem bè yó kem Ju menwu lem blóng yó kem tau là Ju le. Yó kun gel monem, bê ye bud lolò ne yó kem hlau Musis ne bud mon le gel tolokem yó kem tau, bê le bud lolò ne yó kem hlau bè ktulì kem ngà ne yó kem dumu adat le.

Glasya 6:18

Yó ne kóó, kem dumuhu setwoli. Yó hem gónó tekuy mogot Jisas Krays hol tendo tmóbóng kuy se kuy.

2 Kurin 6:11

Yu kem dumu me sogot nawa bè Kurin, laen kô deng hnikót buni me bélê ye. Tey bong yóm kum nawa kuy.

Glasya 4:11

Tey mónó nawahu kuy, kô mulék kafa yóm deng tehe toloku kuy.

Glasya 4:13

Hentulón ye nawa dé yóm but gónóhu tmulón du kuy yóm Tulón Hyu, hol lemwót bè yóm tehe kwen desu.