Glasya 4:11 - Udél Dwata: Gna Kesfasad ne Lomi Kesfasad

¹¹ Tey mónó nawahu kuy, kô mulék kafa yóm deng tehe toloku kuy.

Glasya 4:11 Referans Kwoze

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

Glasya 2:2

Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

2 Jan 1:8

Yó gónóm mon, hol ten-gama ye anì là lanahen bélê ye yó kem deng gel tolok me kuy. Kóyóu ke hol guta ye yóm ofol fan Dwata kuy.

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.

Glasya 4:20

Hyu ke tódóe suyó kuy anì hol tekuy stulón. Tey sidek kónó nawahu kuy.

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Kul Nmò 16:6

Bè yóm kógów le Pol, tódô lengeb le prubinsya Frigya ne Glasya. Tô le móyô hlós mool ebè prubinsya Asya, okóm là bayaen kul yóm Tulus Dwata.

Isaya 49:4

Okóm dou, botong monu, “Tey kmou du yóm hmò Dwata do, okóm laen dù gónón e kól. Tódô hotuhu gelu, okóm laen dù gendengu.” Bede tey ksaligu yóm kfi Dwata yóm deng hmoen do. Angat wen ofol blayen dou bè yó kem gel nmou.

Glasya 4:10

Gotu tô lolò ye kdê yó kem gel hlolò le kuy bè kdaw ne bè bulón ne bè halay.

Glasya 4:12

Yó hol sen-galuhu bélê ye, kem dumuhu setwoli, ke hol dnalang ye yóm dou kmò. Bè ktahuhen, balù yóm ktauhu Ju là kóe gfét du yó kem hlau yó kem Ju. Yóm tehe knóu dyó lem blóng ye, laen selen yóm kehyu nawa ye ebéléu.