Glasya 3:8 - Udél Dwata: Gna Kesfasad ne Lomi Kesfasad

⁸ Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Glasya 3:8 Referans Kwoze

Tekang Kbuten 12:3

Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm. Ne mlan béléem gónóhu tmóbóng yóm kdéen tau bè klamangen benwu.”

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

Glasya 3:16

Bè yóm tehe fasad Dwata ke Abraham ne bè yóm sotu semfu gu béléen, là kô monen du ke fasaden bè yó kem dumu semfu gu bè Abraham. Okóm monen bè yóm sotu semfu gu bè Abraham, duhen Krays.

Kun Snulat Jan 7:38

Lómón yóm monen bè Sulat Dwata, ‘Yó se tau hemtahu ebéléu, hol lómón ke wen tbul él gu béléen, yóm él hlowil tau.’ ”

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Sulat Pol Ebè Yó Kem Tau Hemtahu Bè Rom 9:30

Duhen yó, yó kem tau là Ju le, là kô ktes le du yóm ktedeng kton Dwata kul, okóm guta le lan le hemtahu bè Jisas.

Sulat Pol Ebè Yó Kem Tau Hemtahu Bè Rom 9:17

Lómón yóm tehe kélék Dwata yóm sotu tau hol geta bè Idyip ekni. Tehe mon Dwata mò du, monen, “Lemwót béléu yóm kegetahem mogot benwu anì angat gfan béléem yóm dou kegbek, ne anì glalag bè klamangen benwu yóm dou boluy.”Ne duhen yó, bong knodu Dwata yó kem tau nóyô knoduhen, ne hgelen kulu yó kem tau nóyô hgelen kulu le.

Glasya 4:30

Okóm wen monen bè Sulat Dwata, yó monen, “Hdó ye ne yóm libun hesek, hmung ye du ngaen. Abay se là knóónen ke du tles mogot du yóm kun nogot maen. Yake yó dém ngaen bè yóm libun là hesek du bud temles du.”Duhen yó, kem dumuhu setwoli, yóm kdê tekuy deng hemtahu bè Krays, hol lómón ke tekuy se yóm kun ngà yóm libun là hesek du. Là kô tekuy ngà yóm libun hesek.

Kul Nmò 2:35

Angat gotu ndau lu elaan yó kem hmohon kóm.’ ”

Kun Snulat Jan 7:42

Deng monen bè Sulat Dwata, semfu gu bè yóm tehe Dabid ne bè Bitlihim gónón sut, bè yóm tehe kun benwu Dabid.”Tey wen kesgólól nawa le yó kem tey tau wen bè yó, abay se là ssotu kehedem le ebè Jisas.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Kem Lingón 72:7

Klawihen mowil, yake tendo temnù ktedengen yóm kogoten benwu, ne yake laen dù sónen yóm kehyu klowil yó kem tau knamalen, lómón yóm klaen dù són yóm bulón.

Kun Snulat Jan 19:37

Ne yóm sotu tehe snulat le, yóm monen, “Angat sentngel le yóm tau ndek le buyus.”

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”