Glasya 3:7 - Udél Dwata: Gna Kesfasad ne Lomi Kesfasad

⁷ Yó gónóm mon, yó kem tau hemtahu, lómón ke lu yóm hol semfu gu bè Abraham.

Glasya 3:7 Referans Kwoze

Glasya 3:9

Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Sulat Pol Ebè Yó Kem Tau Hemtahu Bè Rom 4:24

okóm mò gónó tekuy dmalang se. Yó gónón tedeng kton Dwata tekuy ke deng tekuy hemtahu béléen. Du se fen deng hlowil ke Jisas gu lem hatay yóm gónó tekuy mogot.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Kun Snulat Jan 8:39

Mon le se mò ke Jisas, “Abraham se yóm kum mà.” “Na,” mon Jisas, “ke semfu ye se gu bè Abraham, nmò ye sen yóm kun nmò Abraham.

Kun Snulat Luk 19:9

Ne mon Jisas mò du, “Dengi gewà gu lem tafak Dwata ne kóm kemdaw ni, dalang se yó kem fes lówóhem. Abay se yóm kimónem ni gónón gdilô yóm kesfuhem gu bè Abraham.

Kun Snulat Luk 21:31

Senged snéen sok deng gotu gfan yó kem ilô deng tulónu kuy ni, yó se ayawen yóm deng moni ne yóm kogot Dwata tau.

Hibru 13:23

Sotu bud nóyô hetngónu kuy. Yóm Timuti, dumu tekuy setwoli, lomi hewà gu lem blanggù se kun. Ke géhél kól dini, hlós bud nitu bè yóm kógówu edyó bélê ye.

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.