Glasya 3:10 - Udél Dwata: Gna Kesfasad ne Lomi Kesfasad

¹⁰ Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Glasya 3:10 Referans Kwoze

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Jirimaya 11:3

Monem mò kul, ‘Ni se yóm udél Dwata, yóm Dwata yó kem tau Israél, monen, Hol megtafak yóm tau ke là loloen du yóm deng senfasad me.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

Glasya 2:16

Okóm deng tngón me ne, tek sotu gónón tedeng kton Dwata du yóm tau, tek són bè kehtahuhen bè Jisas Krays. Là kóen lemwót bè yóm kloloen du yóm hlau Musis yó. Yó gónó me hemtahu bè Krays Jisas se kum kem Ju anì tedeng kton Dwata kum lemwót bè kehtahu me béléen. Là se kóen lemwót bè yóm klolò me du yó kem hlau Musis, abay se laen kô deng tau he ke tedeng kton Dwata du lemwót bè kloloen yó kem hlau.

Isikél 18:4

Abay se kdéen tau gotu knukumu. Knukumu se yó kem tuha, bud knukumu se yó kem ngà le. Yó kukumu kul yóm tau gemsalà, du se yóm angat matay.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”

Tekang Kbuten 4:11

Ni wen tafaku kóm ne là kóen na a mkó tahem. Là buden hyu ne kmoem nmò bè tonok, abay se deng gamà bè tonok litô twolihem bè yóm khatayem du.

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.