Glasya 2:9 - Udél Dwata: Gna Kesfasad ne Lomi Kesfasad

⁹ Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

Glasya 2:9 Referans Kwoze

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Deng Hegfan 3:12

Yóm tau gel matù bè yó kem sidek gel sut, angat nitu ebè yóm Gónô Dwata bè longit, ne là kóen bud skibol bè yó ne. Hol lómón ke deng baling sotu heheken. Ne snulatu béléen se yóm boluy Dwata, dalang se yóm boluy yóm benwu Dwata, yó se yóm lomi Jirusalim, yóm benwu angat tuntun Dwata gu bè longit. Ne snulatu béléen snéen yóm dou lomi boluy.

Glasya 2:2

Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

Ifisus 2:20

Bè yóm deng kehtahu ye, lómón ke deng ye baling ngom bè yóm gónô hdà Dwata. Yó heheken yóm gónô yó, duhen yó kem aposol ne yó kem tehe tugoden. Bede yó hol tud blóngónen, duhen Krays Jisas.

2 Kurin 8:4

Mom lu he tódô hkodu bélê me anì gbót le tmóbóng se kul bè yó kem tau Dwata bè prubinsya Judiya.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

Sulat Pol Ebè Yó Kem Tau Hemtahu Bè Rom 15:15

Okóm bè nim ksulatu ni, là kóe hadà hegbel du bè nawa ye ni kem tulónu kuy ni. Yó gónóhu là hadà tmulón du kuy, abay se lemwót bè yóm tey hyu deng hmò Dwata do.

Kul Nmò 15:13

Kogol yóm kudél le, omin Jim mudél se kun, monen, “Kem dumuhu setwoli, hnungol ye yóm dou tulón kuy.

Kul Nmò 15:7

Timbow deng legen yóm alì kestulón le du, omin Pitér hebkó mdà lem blóng le, monen, “Ó kem dumuhu setwoli, deng tngón ye se yóm tehe kélék Dwata do lem blóng ye mò heglalag du bè yó kem tau là Juhen yóm Tulón hyu anì gungol le, ne hentahu le se kul.

Kul Nmò 4:36

Duhen yó, wen sotu tau lemwót bè Siprus boluyen Jusif, tau semfu gu bè yóm tehe Libay. Yó iba le du yó kem hógów Jisas, Barnabas (yó lanen yóm boluy yó, hulung semgduf).

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Kun Snulat Luk 22:8

Yó gónó Jisas mdók kul le Pitér ne Jan, monen mò kul, “Eles ye lemwót kut ne, na ye e nmò kut nim ken ni mò ken tekuy kifu kedeng.”

Kun Snulat Jan 1:42

Ne omin Andru mit ke Simun ebè Jisas. Uni Jisas mton ke Simun, henmung monen mò du, “Uu se Simun, ngà yóm sotu Jan. Okóm yó bud tles boluyem, Sifas.” (Yóm boluy Sifas yó, senged lanen bè yóm boluy Pitér. Yó lanen, “botu.”)

Kul Nmò 12:17

Omin Pitér mwel sigelen ebélê le anì là kat le hebnes. Ominen gotu tmulón du kul yóm kmò kehewà Dwata du lem blanggù. “Hol tulón ye ke Jim,” mon Pitér, “ne yó kem dumu tekuy hemtahu nim deng kegewau ni.” Ominen tmagak kul bè yó, hlós ebè dumu benwu.

2 Kurin 11:5

Bè dou kehedem du, là kóe na a glaan bélê le yó kem tau lembù mógów, yóm alì hegeta ye bè yó lem blóng ye.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Glasya 1:18

Deng tlu halayen bè yó, ominu yó mógów ebè Jirusalim, wen tô naw snólók bè Wè Pitér. Wen dô lewu fedyanu bè yó béléen.

Glasya 2:1

Timbow deng sfolò fat halayen bè yó, ominu yó bud mógów ebè Jirusalim. Slomong me Barnabas, mung kum Taytus snéen.

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.