Glasya 2:7 - Udél Dwata: Gna Kesfasad ne Lomi Kesfasad

⁷ Bè ktahuhen, tódô dilô le yóm deng kélék Dwata dou mò fen tmolok yóm Tulón Hyu bè yó kem tau là Ju le, hol lómón se yóm deng kéléken ke Pitér mò fen tmolok bè yó kem tau Ju.

Glasya 2:7 Referans Kwoze

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

1 Tisalunika 2:4

Okóm yóm gel tulón me, sal gel lemwót bè kun kóyô Dwata, abay se deng néléken mi, ne deng sigangen ta me yóm Tulón Hyu. Yó gónóm mon, là kô tau du yóm hefligal me, kaem Dwata yóm fen hemklol du yóm hol nô bè nawa me.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

2 Timuti 1:11

Nim Tulón Hyu ni, deng nélék Dwata o mò fen hógówen na a tmolok du,

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

2 Pitér 3:15

Yó gónón ganggà bè yóm kesfuléken edini yóm gónó tekuy mogot, hol kóyóen ke wen lan ye gewà gu lem hatay. Lómón ni se yóm gel snulat Pol ebélê ye, yóm sotu dumu tekuy setwoli, hlanen bè yóm ketngón deng blay Dwata du.

1 Kurin 9:17

Ke tódô dou lenbù nmò nim ni, knóón ke gmutahe du sukéy. Okóm ni se hmò Dwata do, ne tey mget ksigangen du tahu.

Kul Nmò 28:28

Ne bud mon Pol, “Duhen yó, hyu ke eles tngón ye deng hetngón Dwata bè yó kem tau là Ju le yóm lan le gewà gu lem hatay. Mom lu hmungol du.”

Kul Nmò 18:6

Okóm là dog mom hentahu le du, ne tey sidek gel kebkó le ebéléen. Yó nmò Pol, kenfungen nesen, ne monen mò kul, “Laen dù dou du ne ke bang Dwata tmafak kuy. Tódô ebè yó ne kem tau là Ju le gónóhu e tmolok.”

Kul Nmò 15:12

Tódô le gteg yó kem tau hmungol du yóm udél Pitér yó. Omin le mudél se kul le Barnabas lewu le Pol. Gotu tulón le yó kem tey dê hentaw ton nmò Dwata hlanen bélê le bè yóm ktolok le lem blóng yó kem tau là Ju le.

Sulat Pol Ebè Yó Kem Tau Hemtahu Bè Rom 11:13

Ni se udélu ebélê ye yu kem tau là Ju ye. Ou se yóm deng nélék Dwata mò hógówen ebélê ye. Yó gónóm mon, hol hotuhu gelu se do mò du yóm hmoen dou.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

Glasya 1:18

Deng tlu halayen bè yó, ominu yó mógów ebè Jirusalim, wen tô naw snólók bè Wè Pitér. Wen dô lewu fedyanu bè yó béléen.

Glasya 2:11

Sotu kdaw bè yó bè yóm kkól Pitér bè syudad Antyok, tey kudélu du lem blóng yó kem tau, abay se là kóen hyu yóm nmoen.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”