Glasya 2:5 - Udél Dwata: Gna Kesfasad ne Lomi Kesfasad

⁵ Okóm balù udì ke dog bninguy me yóm kul tulón. Yó hol sen-galu me ke béen wen bud tnù le du yóm ktahuhen deng tulón me kuy, duhen yóm Tulón Hyu gbak ebè Jisas.

Glasya 2:5 Referans Kwoze

Glasya 4:16

Yó kô tô gónó ye hmohon do lemwót bè yóm deng ktulónu du kuy yóm ktahuhen?

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Ifisus 1:13

Senged se kuy, deng ye baling kem kun tau Dwata lemwót bè yóm kungol ye du yóm tahu tulón, duhen yóm Tulón Hyu gónó ye temngón du yóm lan ye gewà gu lem hatay. Deng ye hemtahu bè Krays, ne yó gónó Dwata hemsù du bélê ye yóm kun Tulus tehe fasaden tekuy mò ilô yóm deng kfunen tekuy.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Kul Nmò 15:2

Bè yóm kungol le Pol ne Barnabas du yóm kul tolok yó, ya tey kekbê le du. Tey keskuya le mon le Pol ne yó kem tau tmolok yó. Bè yóm alì keskuya le mon yó, yó atul nmò yó kem tau hemtahu bè Antyok, hógów le Pol lewu le Barnabas ebè Jirusalim, ne wen se kem dumu tau hemtahu lemwót bè yó mung kul anì snólók le nim tolok senkuya le ni bè yó kem tau tehe hógów Jisas dalang se bè yó kem tuha gónó le gel galak yó kem tau hemtahu bè yó.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.