Glasya 2:21 - Udél Dwata: Gna Kesfasad ne Lomi Kesfasad

²¹ Bede ke deng tedeng se kton Dwata du yóm tau bè kloloen yó kem hlau gnan, laen kô dù muhen yóm katay Krays. Okóm béléu dou, tey bong któbóng Dwata dou hlanen bè yóm katay Krays.

Glasya 2:21 Referans Kwoze

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

Glasya 3:21

Déke ofo kuy mon du là segmung le hlau Musis yóm fasad Dwata. Là kô yó du. Ke gbek yóm hlau bemlay tekuy yóm klowil laen dù sónen, deng duhen yó ne yóm lan tekuy baling tedeng bè kton Dwata tekuy. Okóm là kô yó du.

Hibru 7:11

Bè yóm kdaw tehe keblay Dwata yó kem hlauhen bè yó kem tau Israél, yó hol hogoten du yó kem tau semfu gu bè Libay. Ke deng tehe gulit kogot le du, là kô tenles Dwata kul. Okóm là gulit le. Yó gónó Dwata mélék yóm sotuhen, yóm mkél bè Mélkésédék. Là néléken du yóm mkél ke Aron, yóm semfu gu bè Libay.

1 Kurin 15:14

Ne ke là deng hlowilen ke Krays, laen kô lemen yóm deng tolok me kuy, ne laen dù nefeten yóm kehtahu ye du.

Glasya 2:16

Okóm deng tngón me ne, tek sotu gónón tedeng kton Dwata du yóm tau, tek són bè kehtahuhen bè Jisas Krays. Là kóen lemwót bè yóm kloloen du yóm hlau Musis yó. Yó gónó me hemtahu bè Krays Jisas se kum kem Ju anì tedeng kton Dwata kum lemwót bè kehtahu me béléen. Là se kóen lemwót bè yóm klolò me du yó kem hlau Musis, abay se laen kô deng tau he ke tedeng kton Dwata du lemwót bè kloloen yó kem hlau.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Isaya 49:4

Okóm dou, botong monu, “Tey kmou du yóm hmò Dwata do, okóm laen dù gónón e kól. Tódô hotuhu gelu, okóm laen dù gendengu.” Bede tey ksaligu yóm kfi Dwata yóm deng hmoen do. Angat wen ofol blayen dou bè yó kem gel nmou.

1 Kurin 15:2

Bè ni sem Tulón Hyu deng hetngónu kuy gónó ye gewà gu lem hatay ke hol mbegel yóm kehtahu ye. Okóm ke hnuda ye, olon dô nô te kulit yóm kehtahu ye du bè kbuten.

Glasya 2:18

Ke tô bud lolou yóm hlau tehe tebelu, mom bè yó ne gónón gfan yóm kuléhu du, abay se là kô gbeku lemolò du.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Mark 7:9

Bud mon Jisas, “Tey ye hulung kembê du yóm hlau Dwata, alì mlom klolò ye du yóm kuy hlau lenbù nmò.

Kem Lingón 33:10

Yóm dê atul yó kem tau mogot benwu talak tonok, gbek henseng Dwata. Hensengen sok là hyuhen anì là gfuhen.

1 Kurin 15:17

Ne ke là dengen mowil Krays, laen se kô nefeten yóm kehtahu ye béléen, ne sana tolo kbô ye du he yó kem salà ye.

Sulat Pol Ebè Yó Kem Tau Hemtahu Bè Rom 4:25

Deng fen tódô hamà Dwata Jisas mò matay bè salà tekuy, okóm deng bud hlowilen gu lem hatay. Yó se yóm deng nmò Dwata mò gónón tedeng ktonen tekuy.