Glasya 2:2 - Udél Dwata: Gna Kesfasad ne Lomi Kesfasad

² Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

Glasya 2:2 Referans Kwoze

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

1 Kurin 9:26

Yó gónóm mon, tódô henktengu yóm dou klóy efet kól bè sónen. Sotu bud gónóhu e hmingón du yóm nmou, lómón ke tauhe seglab. Là kóe móyô smuntuk lenos dou. Kóyóu ke ket ksuntuku, hono tódô.

1 Kurin 1:23

Okóm bélê me kum, tek sotu yóm kum gel tulón, duhen yóm tehe ktutuk le ke Krays bè kros. Nim tulón ni, tey kekbê le du yó kem Ju. Ne bud yó kem tau là Ju le, bè kul kehedem du, hol tulón laen dù muhen.

1 Kurin 9:24

Deng hónô tngón ye se ke wen yóm skuya mlóy, tey dê tau gel mung, okóm tek sotu yóm matù, ne du se olo gemwa ofol. Tekuy se kem tau hemtahu, lómón ke skuya tekuy mlóy. Hotu tekuy són gel tekuy mlóy anì guta tekuy yóm ofol.

1 Kurin 2:2

Okóm bè yóm tehe knóu lem blóng ye, tek sotu yóm tulón nwitu, són Jisas Krays ne yóm katayen bè kros.

Kul Nmò 15:12

Tódô le gteg yó kem tau hmungol du yóm udél Pitér yó. Omin le mudél se kul le Barnabas lewu le Pol. Gotu tulón le yó kem tey dê hentaw ton nmò Dwata hlanen bélê le bè yóm ktolok le lem blóng yó kem tau là Ju le.

Kul Nmò 15:4

Timbow le kól bè Jirusalim, tey khódó le kul yó kem tau hemtahu bè yó, dalang se yó kem tehe hógów Jisas, kkólen bè yó kem tuha malak kul bè yó. Gotu tulón le Pol kul se yóm kdê deng nmò Dwata hlanen bélê le.

Flipay 2:29

Yó ne, sok kól dyó, hol ye hligal bè yóm khódó ye du, abay se du yóm sotu dumu tekuy setwoli bè yóm gónó tekuy mogot. Ne ke wen dumu tau mkél du kmoen, hyu ke hol nadat ye.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Kul Nmò 23:11

Bè yóm kifu yó, tódô hegfan bè Pol Jisas, yóm gónóhen mogot. Mdà klohoken, monen mò du, “Hgelem nawahem, Pol. Deng tulónem o se bè ni bè Jirusalim. Senged se angat nmoem ditu bè Rom.”

Kul Nmò 18:9

Sotu kifu bè yó, tódô hegfan bè Pol Jisas ne mudél ebéléen, monen mò du, “Béi abay hlikò, Pol. Hol henlelem tmolok bè ni, béi abay htakasem.

Kul Nmò 5:34

Okóm wen sotu tau bélê le boluyen Gamaliyél. Farisi se kun, sotu tau gel tmolok hlau, ne tey kadat le du yóm kdéen tau. Mdà lem blóng le se kun, bede nan hlun hefewà yó kem hógów Jisas.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Kul Nmò 15:2

Bè yóm kungol le Pol ne Barnabas du yóm kul tolok yó, ya tey kekbê le du. Tey keskuya le mon le Pol ne yó kem tau tmolok yó. Bè yóm alì keskuya le mon yó, yó atul nmò yó kem tau hemtahu bè Antyok, hógów le Pol lewu le Barnabas ebè Jirusalim, ne wen se kem dumu tau hemtahu lemwót bè yó mung kul anì snólók le nim tolok senkuya le ni bè yó kem tau tehe hógów Jisas dalang se bè yó kem tuha gónó le gel galak yó kem tau hemtahu bè yó.

Sulat Pol Ebè Yó Kem Tau Hemtahu Bè Rom 9:16

Yó gónóm mon, là kóen lemwót bè kun kóyô yóm tau duhen ke bè kun nmò gónón lemwót yóm kkodu Dwata du. Okóm tódô lemwót bè yóm kun kóyô Dwata kmodu du.

2 Kurin 12:1

Ni mò sfu yóm tô kudélu heklabak, balù yóm klaen dù hol muhen. Tulónu kuy yóm deng tódô hegfanen béléu yóm gónó tekuy mogot.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

Glasya 1:12

ne laen se kô dù tau tmolok du dou. Okóm tódô Jisas Krays yóm hol hetngón du dou.

Glasya 5:7

Tehe tey tedeng klolò ye ke Krays. Tau du se hemseng kuy anì là bud lolò ye du yóm ktahuhen? Tedu se aluhen kuy du yóm tau yó?

2 Timuti 4:7

Deng hotuhu són gelu mò du yóm deng hmò Dwata dou, lómón ke skuyahe mlóy, ne ni ne yóm deng kdengen, là kóe na a kemsil.

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.