Glasya 2:11 - Udél Dwata: Gna Kesfasad ne Lomi Kesfasad

¹¹ Sotu kdaw bè yó bè yóm kkól Pitér bè syudad Antyok, tey kudélu du lem blóng yó kem tau, abay se là kóen hyu yóm nmoen.

Glasya 2:11 Referans Kwoze

1 Timuti 5:20

Olo kóm ke tahu wen se gónón teklé yóm tau yó, tódô benkas bnólówem lem blóng yó kem dumuhen hemtahu anì eles wen klikò yó kem dumun hemtahu.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

Kul Nmò 15:1

Sotu kdaw bè yó, wen kem Ju lemwót bè prubinsya Judiya na le e tmolok bè yó kem tau hemtahu bè syudad Antyok. Yó sotu gel tolok le, mon le, “Ke là lolò ye du yóm sana hlau Musis bè kehtulì, là kô ye na a gewà gu lem hatay.”

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

Glasya 2:7

Bè ktahuhen, tódô dilô le yóm deng kélék Dwata dou mò fen tmolok yóm Tulón Hyu bè yó kem tau là Ju le, hol lómón se yóm deng kéléken ke Pitér mò fen tmolok bè yó kem tau Ju.

Glasya 2:5

Okóm balù udì ke dog bninguy me yóm kul tulón. Yó hol sen-galu me ke béen wen bud tnù le du yóm ktahuhen deng tulón me kuy, duhen yóm Tulón Hyu gbak ebè Jisas.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

2 Kurin 11:5

Bè dou kehedem du, là kóe na a glaan bélê le yó kem tau lembù mógów, yóm alì hegeta ye bè yó lem blóng ye.

Kul Nmò 11:19

Yó kem tau hemtahu tehe sekla lemwót bè yóm khatay le ke Stéfén, wen se bélê le gefet bè prubinsya Funisya, ne wen se ebè Siprus, yóm sotu hungul benwu nô te mohin. Ne wen bélê le gefet ditu bè syudad Antyok. Sal gel tulón le yóm Tulón Hyu, okóm són olo tnulón le yó kem kul dumu Ju.

Juna 4:9

Okóm yó bud mon Dwata mò du, “Hyu kô, Juna, yóm alì kebutem du yóm kenes yóm hulu yó?” Bnalà Juna se, monen, “Wen se buten nim kebutu ni. Tumù nawaw tódô kem matay ne.”

Juna 1:3

Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Kun Snulat Jan 1:42

Ne omin Andru mit ke Simun ebè Jisas. Uni Jisas mton ke Simun, henmung monen mò du, “Uu se Simun, ngà yóm sotu Jan. Okóm yó bud tles boluyem, Sifas.” (Yóm boluy Sifas yó, senged lanen bè yóm boluy Pitér. Yó lanen, “botu.”)

Kul Nmò 11:20

Okóm wen se bè yó kem dumu tau hemtahu lemwót bè Siprus ne bè syudad Sayrin, mógów le bè Antyok se kul, ne gbót tnulón le yó kem tau là Ju le yóm Tulón Hyu gbak ebè Jisas yóm gónó le mogot.

Kul Nmò 11:22

Timbow gungol yó kem tau hemtahu bè Jirusalim nim ni, yó gónó le e hógów ke Barnabas etu bè Antyok.

Kul Nmò 11:27

Sotu kdaw bè yó wen kem tau tugod Dwata gdek bè Antyok lemwót gu bè Jirusalim.

Kul Nmò 15:5

Okóm wen se kem Farisi deng hemtahu bè Jisas mung bélê le. Hebkó le mdà lem blóng le, ne mon le mò kul, “Yó kem tau là Ju le deng hemtahu yó, là hyuhen ke là htulì le, ne ke là hlolò du kul yóm hlau Musis.”

Glasya 1:18

Deng tlu halayen bè yó, ominu yó mógów ebè Jirusalim, wen tô naw snólók bè Wè Pitér. Wen dô lewu fedyanu bè yó béléen.