Biblia Todo Logo
Bib sou entènèt

- Piblisite -




Glasya 1:5 - Udél Dwata: Gna Kesfasad ne Lomi Kesfasad

5 Hol bê tekuy abay nmò sónen yóm tendo kdóyón tekuy ke Dwata.

Gade chapit la Kopi




Glasya 1:5
23 Referans Kwoze  

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.


Yó gónóm mon, bê tekuy nmò sónen yóm tendo kdóyón tekuy ke Dwata. Sónen du se tahu Dwata. Deng hewaen tekuy gu lem hatay hlanen bè yóm gónó tekuy mogot Jisas Krays. Du se yóm hol dandónen geta, yóm kmamal yóm klamangen. Tek són du yóm hol mfasang bè kdéen, ne yóm alì wen kwalisen. Sana kem gnô kun ne ni kem ni hnikót là deng dlimunen du he yóm benwu, ne laen kô tul konolen efet nim kmoen ni, ne laen kô tul sónen snéen.


Hol bê tekuy lensón yóm kdóyón tekuy du, abay se tey minggel boluyen. Yake gfan bè klamangen benwu yóm tey klinggelen. Dwata he hol dmohò du nim ni!


Tódô hgelen udélen, monen, “Hol nadat ye Dwata. Hol sendóyón ye dé yóm tey kegetahen. Deng hto ne yóm butengen kmukum kem tau. Hol dóyón ye se yóm Dwata deng tehe mò yóm longit ne yóm tonok ne yóm mohin kkólen bè yóm kdéen él tembul.”


mon le, “Tahu se. Hol knóón bè yóm Dwata tekuy ke là skasen yóm tendo kdóyón tekuy du ne yóm kadat tekuy du, lemwót bè yóm alì kegetahen ne yóm alì ketngónen, ne yóm alì kfasangen ne yóm alì kegbeken.”


Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”


Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.


Ne laen kô dù sónen snéen yóm kfasangen mogot tau.


Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.


Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.


Hol bê tekuy abay nmò sónen yóm kdóyón tekuy ke Dwata yóm Mà tekuy.


Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.


Tek són du yóm hol tahu Dwata, ne tódô gotu tngónen kdéen. Bê tekuy nmò sónen yóm kdóyón tekuy du hlan tekuy bè Jisas Krays.


“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”


Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”


Béem bayà mi ebè yóm tilów mgel, bede hol kenlungem mi bè Seitan.’


Yó kem tau nô bè yó kem benwu mayuk, yake hol megdóyón bélê ye Dwata ne hol dóyón ye se kuy yóm tey kegetahen.


Hol dóyón tekuy Dwata yóm Dwata yó kem tau Israél. Laen kô dù tul sónen yóm gel kdóyón tekuy du. Hol tahu se yó.


Duhen ni, uu se Dwata me, slamat me béléem, ne dóyón me yóm tey klinggel boluyem.


Duhen yó, ke lemwót bè yóm gel kutónu gónón lemwót btang yóm sotu dumuhu hemtahu, tumù nawahu là dog kem mutón efet katayu, anì laen dù lanu hebtang du elem salà yóm dumuhu hemtahu.


Swiv nou:

Piblisite


Piblisite