Glasya 1:23 - Udél Dwata: Gna Kesfasad ne Lomi Kesfasad

²³ Són olo tngón le yóm gel tulón tau kul, yóm gel mon le, “Yóm tau tehe alì gel hemsidek kum, deng mom du baling tau hetngón du bè kem dumu tau yóm tolok tehe gel kenbéen.”

Glasya 1:23 Referans Kwoze

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Kul Nmò 9:20

Tódô kendel mógów ebè yó kem gónó le gel stifun yó kem Ju bè yó na a tmolok. Yó gel tulón Sol, Jisas se yóm hol Ngà Dwata.

Kul Nmò 9:26

Kewót Sol bè yó, mulék ebè Jirusalim. Yóm kkólen ditu, tô mung segduf bè yó kem tau lemolò ke Jisas, okóm mom knikò le, abay se tolo là deng snalig le du yóm deng kloloen ke Jisas.

Kul Nmò 6:7

Ne sónmoen tendo mból yóm udél Dwata, ne sónmoen se temnù tau hemtahu bè Jisas bè Jirusalim. Tey wen snéen kem tau demsù ebè Dwata baling hemtahu bè Jisas.

Kul Nmò 9:21

Tey ketnga yó kem tau hmungol du, mon le, “Igò sem ni du yóm tau tendo tô hmatay yó kem tau hemtahu bè Jisas bè Jirusalim. Igoen se yó tô nógówen edini nan e kenfô yó kem tau hemtahu, tô nwiten lu mulék ebè yó kem tau hol geta gel demsù ebè Dwata.”

Kul Nmò 19:13

Wen se kem dumu Ju gel mógów bè yó kem dumu benwu na le e hdó yó kem busaw gel malak yó kem tau. Tô tilów le se kul hdó busaw hlan le bè boluy Jisas. Gel mon le bè yó kem busaw, mon le, “Lemwót bè kun boluy yóm Jisas gel tulón Pol, mdóhi bè yóm tau nalakem yó.”

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.