Glasya 1:21 - Udél Dwata: Gna Kesfasad ne Lomi Kesfasad

²¹ Timbow kogolen bè yó, ominu mógów ebè yó kem benwu snakuf prubinsya Sirya ne prubinsya Silisya.

Glasya 1:21 Referans Kwoze

Kul Nmò 15:41

Tahu se, lemwót le, mógów le ebè prubinsya Sirya ne Silisya, ten-gel le kehtahu yó kem tau hemtahu bè Jisas bè yó.

Kul Nmò 9:30

Timbow glileb yó kem dumu tau hemtahu nim ni, eted le Sol bè syudad Seseriya, hógów le etu bè syudad Tarsus.

Kul Nmò 6:9

Okóm wen se kem tau mélés du nawa. Lu se yó kem Ju mung bè yóm kul gónó gel stifun yó kem Hesek Deng Gewà. Wen se bélê le lemwót bè syudad Sayrin ne syudad Aliksandriya. Wen se lemwót bè prubinsya Silisya ne bè prubinsya Asya. Yó nmò le, nit le skuya mon Stéfén.

Kul Nmò 15:23

Ne wen sulat hwit le kul etu. Yó monen lem yóm sulat, monen, “Nim sulat ni, lemwót bélê me kem tau tehe nélék Jisas, ne bélê me kem tuha gel malak bè ni, hono kem kuy dumu setwoli. Hwit me ebélê ye yu kem tau là Ju le bè syudad Antyok ne bè prubinsya Sirya ne Silisya, deng tekuy baling setwoli lemwót bè kehtahu tekuy.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

Kul Nmò 23:34

Timbow deng senfala Filik yóm sulat, ominen smólók ke Pol ke tedu yóm kun prubinsya gónó lemwót? Timbow gtukulen lemwót bè Silisya, sotu kun benwu snakuf,

Kul Nmò 22:3

“Tauhe Ju se dou, lemwóte bè syudad Tarsus, yóm benwu snakuf Silisya. Okóm mnagie bè ni bè Jirusalim, yó sem Gamaliyél yóm tehe tmolok dou. Tey mget ktoloken du dou yóm hlau Musis, yóm sana hlau yó kem fù tekuy ekni. Tey mget se yóm dou klolò ke Dwata lómón se yóm kuy yóm kdê ye mdà bè ni nii.

Kul Nmò 21:39

Mon Pol se, “Là ou du. Tauhe Ju dou, lemwóte bè syudad Tarsus, yóm sotu benwu tótól snakuf prubinsya Silisya. Hnihu béléem anì nam na hudél ou likót bè ni kem tau sbung ni.”

Kul Nmò 21:3

Tódô me hlós efet ton me Siprus fi bè iwóng me, yóm sotu hungul te mohin, okóm tódô hekteng yóm kafal snakay me ebè prubinsya Sirya, ne kmó me bè yó bè syudad Tayal. Bè yó gónó le hekmó yó kem lulónen yóm kafal yó.

Kul Nmò 18:18

Timbow deng malù bud legen knô Pol lem blóng yó kem tau hemtahu bè yó bè Kurin, ominen tmagak kul, tô bud mulék ebè prubinsya Sirya. Niten Prisila ne Akila, hlós le ebè Senkeriya. Okóm gu laan le là deng lemwót bè yó, nan hetbulud Pol mò ilô yóm deng kdeng yóm tehe fasaden ke Dwata. Kewót le bè yó, smakay le kafal.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.