Glasya 1:2 - Udél Dwata: Gna Kesfasad ne Lomi Kesfasad

² Smulate edyó bélê ye, yu kem tau hemtahu bè Jisas Krays bè yó kem benwu bè prubinsya Glasya. Tódô kdê yó kem dumuhu hemtahu bè ni, gotu gbót mólóm kuy snéen yu kem tau hemtahu dyó.

Glasya 1:2 Referans Kwoze

Flipay 4:21

Tey gel kólómu kul yó kem kun tau Dwata bè yó, yó kem tau deng nfun Krays Jisas. Dalang se ni kem dumu tekuy setwoli bè ni, tey gel kólóm le kuy.

1 Kurin 16:1

Deng wen tehe snólók ye bè yóm ksulat ye bè keblay ye bè yó kem kun tau Dwata bè prubinsya Judiya. Yó kmò ye du, yake tódô lolò ye yóm deng hlolou yó kem dumu ye hemtahu bè prubinsya Glasya.

Flipay 2:22

Okóm là kun ke Timuti. Tódô tngón ye se yóm tey kehyu kmoen. Yóm któbóngen do mit yóm Tulón Hyu, hol lómón ke ou hol maen.

Kul Nmò 18:23

Malù nan legen knóen bè yó, ominen bud na a mauy bè prubinsya Glasya ne Frigya anì hol nan na genduf yó kem tau hemtahu bè yó anì baling mgemel yóm kehtahu le bè Jisas.

Kul Nmò 15:41

Tahu se, lemwót le, mógów le ebè prubinsya Sirya ne Silisya, ten-gel le kehtahu yó kem tau hemtahu bè Jisas bè yó.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.