Glasya 1:16 - Udél Dwata: Gna Kesfasad ne Lomi Kesfasad

¹⁶ tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Glasya 1:16 Referans Kwoze

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Sulat Pol Ebè Yó Kem Tau Hemtahu Bè Rom 11:13

Ni se udélu ebélê ye yu kem tau là Ju ye. Ou se yóm deng nélék Dwata mò hógówen ebélê ye. Yó gónóm mon, hol hotuhu gelu se do mò du yóm hmoen dou.

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Matyu 26:41

Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

2 Timuti 1:11

Nim Tulón Hyu ni, deng nélék Dwata o mò fen hógówen na a tmolok du,

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Glasya 2:1

Timbow deng sfolò fat halayen bè yó, ominu yó bud mógów ebè Jirusalim. Slomong me Barnabas, mung kum Taytus snéen.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

1 Kurin 15:50

Yó hol nefeten nim tulónu kuy ni, kem dumuhu setwoli, nim lówó tekuy ni, wen ungeden ne wen litóen, là kóen na a angat gmung ebè yóm benwu nogot Dwata. Angat matay se kun, là kô gfunen du yóm klowil laen dù sónen.

Kul Nmò 5:42

Ket kdaw le tmolok lem Gónô Dwata, sbol le gel tmolok bè gónô yó kem tau. Tódô senflós le tmulón du yóm Tulón Hyu gbak ebè Jisas, yóm Misaya.

Kul Nmò 9:20

Tódô kendel mógów ebè yó kem gónó le gel stifun yó kem Ju bè yó na a tmolok. Yó gel tulón Sol, Jisas se yóm hol Ngà Dwata.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.