Glasya 1:15 - Udél Dwata: Gna Kesfasad ne Lomi Kesfasad

¹⁵ Okóm balù yóm tehe tey ksidek nmou bè yó kem tau hemtahu, ewenem tey nawa Dwata ebéléu. Yóm gu laanu là deng tau, deng eles néléken ou ne mò sotu bè yó kem gel hógówen. Bè yóm deng kehto yóm buteng tehe fét Dwata,

Glasya 1:15 Referans Kwoze

Jirimaya 1:5

“Gu laanu là deng hembaling kóm lem blutut yéem, deng eles tngónu uu ne. Gu laanem là deng sut, deng eles hetfingu uu ne deng eles néléku uu mò tugodu ebè yó kem tau lem benwu.”

Isaya 49:5

Balù yóm gu laanu là deng sut, deng eles nélék Dwata ou. Nmoen ou tóbóng lówóhen mò malak kul mulék yó kem tauhen Israél deng gotu sekla. Bè Dwata se gónón lemwót yóm kadat le do yó kem tau. Béléen se gónón lemwót yóm kwen kgisu.

Isaya 49:1

Yu kem tau nô bè benwu mayuk, ni hol hnungol ye ou. Deng eles nélék Dwata ou gu laanu là deng sut. Yó hmoen dou mò tóbóng lówóhen.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

1 Kurin 1:9

Tey gsalig yóm Dwata. Du se yóm tehe tmaba kuy anì hol ye sfulung ebè yóm Ngaen Jisas Krays, yóm gónó tekuy mogot.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kul Nmò 13:2

Sotu kdaw bè yó, fasting le. Bè yóm igò le mni, tódô stulón bélê le yóm Tulus Dwata, monen, “Hetfing ye do Barnabas lewu le Sol. Wen hmou kul.”

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Sulat Pol Ebè Yó Kem Tau Hemtahu Bè Rom 8:30

Duhen yó, yó kem tau deng hetfing Dwata, lu se yó kem tau tehe tnabahen ne gotu henbalingen lu tau tedeng ktonen kul, ne angat hmungen lu bè yóm tey kegetahen ditu bè longit hulin kdaw.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Matyu 11:26

Duhen yó se, Mà, yóm kóm kóyô kehlan du.”

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Ifisus 3:11

Yóm nmò Dwata yó, deng eles hendemen ne ekni lemwót bè hol tekang kbuten, ne tódô hlanen bè yóm gónó tekuy mogot Krays Jisas.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

1 Kurin 1:1

Ou se Pol gónóhen lemwót nim sulat ni. Tódô lemwót bè kun kóyô Dwata yóm tehe kéléken dou mò sotu tau gel hógów Krays Jisas. Lewu me Sustinis nim nô bè ni, yóm sotu dumu tekuy setwoli.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Sulat Pol Ebè Yó Kem Tau Hemtahu Bè Rom 9:24

Duhen tekuy se yó kem tau deng tnabahen. Là sónen du kem Ju tnabahen, okóm gomong le snéen kul yó kem tau là Ju le.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.