Glasya 1:14 - Udél Dwata: Gna Kesfasad ne Lomi Kesfasad

¹⁴ Bè kegenu lomi tau, là kô gsenged le dou yó kem dumuhu lemnok bè klolò me du yóm kum gel hentahu mi kem Ju. Tey megenek he dou klolò du yó kem tehe kul adat yó kem tehe fù me.

Glasya 1:14 Referans Kwoze

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

Kul Nmò 26:5

Ke yó dum tulón le yóm ktahuhen, deng hónô tngón le ou se sotu bè yó kem Farisi, alì megdidif lemolò yóm hlau Musis.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Kul Nmò 22:3

“Tauhe Ju se dou, lemwóte bè syudad Tarsus, yóm benwu snakuf Silisya. Okóm mnagie bè ni bè Jirusalim, yó sem Gamaliyél yóm tehe tmolok dou. Tey mget ktoloken du dou yóm hlau Musis, yóm sana hlau yó kem fù tekuy ekni. Tey mget se yóm dou klolò ke Dwata lómón se yóm kuy yóm kdê ye mdà bè ni nii.

Matyu 15:6

Bè yóm ktolok ye yó, là kóen sidek ke là bud nadat te kem tuha tekuy. Ni se gónón gfan yóm klaen dù mu ye du yóm hlau Dwata. Són lolò ye yóm kuy hlau lenbù nmò.

Kul Nmò 26:9

Tehe yu ekni,” mon Pol, “tey kekbéu du se dou yó kem tau hemtahu bè Jisas, yóm tau tehe lemwót bè Nasarit.

Jirimaya 9:14

Mom yó nmò le, hgel le kulu le ne tmaba le ebè yó kem dwata lennged boluyen Baal, yóm deng hlolò le kul yó kem tehe fù le.

Jirimaya 15:2

Ke snólók le béléem, tedu gónó me e solu du, tulónem kul, ‘Ni se udél Dwata ebélê ye, monen ke kul olu matay bè des yó kem dumu, yó se hatay le. Ne yó kem dumu ke yó kul olu matay bè gida, yó se hatay le. Ke kul olu se yó kem dumu matay lemnus, yó se hatay le. Ne ke kul olu negef mayuk yó kem dumu, negef le lu mayuk.’

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.