Glasya 1:13 - Udél Dwata: Gna Kesfasad ne Lomi Kesfasad

¹³ Deng hónô gungol ye se yóm tehe dou gel nmò bè klolou du yó kem kum gel hentahu mi kem tau Ju. Tey tehe gel kehsideku yó kem tau hemtahu bè Dwata, balù udì ke wen koduhu kul, mom nóyóu he ke gotu genlau lu.

Glasya 1:13 Referans Kwoze

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

1 Kurin 15:9

Yakà ou du yóm alì glaan bè yó kem tau gel hógów Krays. Là kóen knóón béléu ke tnaba le o sotu bè yó kem gel hógówen, bà mon se yóm tey tehe alì gel kehsideku yó kem tau hemtahu bè Dwata.

Kul Nmò 9:26

Kewót Sol bè yó, mulék ebè Jirusalim. Yóm kkólen ditu, tô mung segduf bè yó kem tau lemolò ke Jisas, okóm mom knikò le, abay se tolo là deng snalig le du yóm deng kloloen ke Jisas.

Kul Nmò 9:21

Tey ketnga yó kem tau hmungol du, mon le, “Igò sem ni du yóm tau tendo tô hmatay yó kem tau hemtahu bè Jisas bè Jirusalim. Igoen se yó tô nógówen edini nan e kenfô yó kem tau hemtahu, tô nwiten lu mulék ebè yó kem tau hol geta gel demsù ebè Dwata.”

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.