Glasya 1:12 - Udél Dwata: Gna Kesfasad ne Lomi Kesfasad

¹² ne laen se kô dù tau tmolok du dou. Okóm tódô Jisas Krays yóm hol hetngón du dou.

Glasya 1:12 Referans Kwoze

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.

2 Kurin 12:1

Ni mò sfu yóm tô kudélu heklabak, balù yóm klaen dù hol muhen. Tulónu kuy yóm deng tódô hegfanen béléu yóm gónó tekuy mogot.

1 Kurin 2:10

Okóm deng hetngón Dwata tekuy ne nim tehe bunihen ni, hlanen bè Tulusen. Yóm Tulus Dwata, gotu tngónen kdéen. Balù yóm atul Dwata là deng hegfanen du, tódô gotu tngónen.

1 Kurin 11:23

Deng tehe toloku kuy yóm deng gna dnalangu lemwót bè yóm gónó tekuy mogot. Bè yóm tehe kifu kekfô le du, wen mambang gna nwa yóm gónó tekuy mogot Jisas,

2 Kurin 10:7

Bélê ye kuy, són yóm gel ton ye ta yóm gel snolò ye. Wen se tau bélê ye bè yó kun mon du du kun hógów Krays. Yake nan hol hendem dé yóm tau yó, abay se mi snéen kem tau hógów Krays.

Glasya 2:2

Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

Ifisus 3:3

Deng hegfan Dwata béléu ne nim atul tehe bunihen bè kem tau gnan ekni, ne deng hol heglileben béléu se. Ni se koni yóm deng snulatu, bede là tahaen.

1 Tisalunika 4:15

Nim tolok me kuy ni, hono lemwót bè yóm kun tolok yóm gónó tekuy mogot. Bè yóm kdaw kkólen, là kô tekuy kendel gegna semlong yóm kdê tekuy tolo mowil ke là na le gotu mung tekuy yó kem tau deng tehe matay.