Flipay 4:9 - Udél Dwata: Gna Kesfasad ne Lomi Kesfasad

⁹ Hol gel nmò ye yó kem deng dnalang ye lemwót bè yóm deng gungol ye ne yóm deng ton ye béléu. Ke yó se nmò ye, hlós nô bélê ye Dwata, yóm tendo henek nawa tekuy.

Flipay 4:9 Referans Kwoze

Sulat Jim 1:22

Bê ye abay olo hmungol du yóm Udél Dwata, yake hol nimón ye. Kesok là nimón ye du olo ye tmondo knô ye.

Flipay 3:17

Yake henlel ye dmalang du yóm dou kmò, kem dumuhu setwoli, ne hol gel hnénég ye dé yó kem dumu tau deng gel lemolò du yóm kum kmò.

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

Kun Snulat Jan 13:17

Deng tngón ye ne ktahuhen nim monu mò kuy ni, bong kehligal ye ke nmò ye.

Flipay 4:7

Ke ni se gel nmò ye, gnóm ye yóm kenek nawa lemwót bè Dwata. Yóm kenek nawa yó, là gbek tekuy hmingón du yóm mò kmoen. Ke deng gnóm ye, là kóen bud sbeweg ne kehedem ye, baling menek kegnóm ye du lemwót bè yóm deng kessotu ye bè Krays Jisas.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Kun Snulat Luk 6:46

Ne sotu bud tulón Jisas kul, monen, “Moen de ke gel mon ye ou yóm gónó ye mogot okóm là kô gel nimón ye do?

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

2 Tisalunika 3:4

Lemwót bè yóm gel któbóngen kuy, yó gónón mgel nawa me kuy. Tngón me deng nimón ye yó kem tehe hlolò me kuy, ne tngón me se tódô hlós yóm kimón ye yó.

1 Tisalunika 1:6

Deng tehe glolò ye ne yóm kum kmò, ne yóm kun kmò yóm gónó tekuy mogot. Balù yóm tey gel keglayam ye lemwót bè yóm kehtahu ye, ewenem yó, sana tolo tey kehligal ye hemmóyô du yóm tulón nwit me. Yóm kligal ye yó, tódô lemwót bè yóm Tulus Dwata.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

Sulat Pol Ebè Yó Kem Tau Hemtahu Bè Rom 15:33

Yó hem Dwata hol nô lem blóng ye. Tek sónen du gónóhen lemwót yóm kenek nawa tekuy.

Kun Snulat Jan 2:5

Omin Yê Jisas lemwót, stulón bè yó kem tau smagid ken, monen, “Kihu hmò Jisas kuy, tódô nimón ye.”

Kun Snulat Luk 8:21

Ne mom yó mon Jisas ebè yóm kdê le, monen, “Yó se tau hmungol yóm Udél Dwata ne mimón du, du se yéu ne kem twolihu.”

1 Tisalunika 2:14

Ne ni, kem dumu me setwoli, deng wen gónó ye skél bè yó kem tau hemtahu bè Dwata bè prubinsya Judiya bè yó kem tau nfun Krays Jisas bè yó. Abay se lemwót bè kehtahu ye wen gónó ye glayam bè kem dumu ye nim kmoen ni, hol lómón se yóm tehe kul keglayam yó kem tau bè Judiya bè yó kem dumu le Ju.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

2 Timuti 4:22

Yó hem gónó tekuy mogot hol nô béléem. Dwata he hol tmóbóng kuy.

1 Kurin 14:33

Abay se là kô nóyô Dwata du yóm mudél seblang sok tekuy stifun. Hyu ke na tekuy gel stufì sok kuy mudél anì menek kegnóm tekuy du. Wen sotu gel hlolò me bè yó kem tau hemtahu bè Dwata bè yó kem dumu benwu gbak ebè yó kem libun.

Kun Snulat Jan 15:14

Weu yu ke nimón ye yóm hlauhu kuy.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

1 Kurin 4:16

Yó gónóm mon, hol dnalang ye yóm dou nmò.