Flipay 4:6 - Udél Dwata: Gna Kesfasad ne Lomi Kesfasad

⁶ Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Flipay 4:6 Referans Kwoze

1 Pitér 5:7

Hbô ye ke Dwata dé yóm gel hemblat kuy, abay se tey nô bè nawahen yóm któbóngen kuy.

Kem Lingón 55:22

Hbóem ke Dwata dé yóm blat nô tahem anì du tmóbóng kóm. Là kô bayaen kul btang yó kem tau tedeng kmò le.

Matyu 6:8

Bê ye dnalang yóm kul nmò yó. Kaem deng eles tngón yóm Mà tekuy bè longit yóm wen mu tekuy du gu laan tekuy là deng mni du béléen.

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.

Kem Udél Hlalak Tehe Selumun 16:3

Hogotem ke Dwata yó kem nmoem ne wen gónón e kól yó kem atulem.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kulasi 4:2

Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Kun Snulat Luk 12:22

Ne bud mudél Jisas ebè yó kem gel lemolò du, monen mò kul, “Bê ye abay tnafa nawa yóm kmò kken ye duhen ke yóm kmò knes ye.

Kem Lingón 51:15

Hol benlayem ou khulung mudél, Dwata, anì hol dóyónu uu.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

1 Samwél 30:6

Tey glumfak bong nim glumfak Dabid ni abay se tey sidek khééten bè yó kem tauhen yóm deng kegef le yó kem yehen le ne yó kem ngà le. Yó hendem le tô sentudà le botu Dabid anì matay. Okóm tey ketgelen ke Dabid yóm kun Dwata hol gónó mogot.

Ifisus 5:20

Balù kihu sut bélê tekuy, hol tendo gel dóyón tekuy dé Dwata, yóm Mà tekuy, hlan tekuy bè boluy yóm gónó tekuy mogot Jisas Krays.

Kem Lingón 55:17

Keten hlafus ne kemdaw ne kifu kgefeten bè Dwata yóm tendo ktalawu ne kdolongu, ne gel hnungolen ou.

Kun Snulat Luk 10:41

Okóm bnalà Jisas, monen, “Tey Marta, tey dê lenóngón nawam se kóm.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.

Matyu 10:19

Ke angat kenfô le yu, bê ye abay tô tnafa nawa yóm mò kbalà ye kul, ne yóm kmò kudél ye ebélê le. Dwata he tmolok du kuy yóm kmò kbalà ye kul sok kól yóm kdaw yó.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kun Snulat Luk 12:29

Bê ye tnafa nawa kmò kken ye ne yóm kmò kinum ye.

1 Samwél 1:15

Bnalà Hana se, monen, “Là Sér, là kóe lengel. Laen dù deng ninumu. Okóm wen gónón sidek kegnómu du ne hotuhu nawahu mni du ebè Dwata.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

1 Kurin 7:32

Yó se hol kóyóu bélê ye ke béen dê tnafa nawa ye. Yóm tau là dengen myehen, kaem gbeken hol hmotu nawan hemdem mò du yóm hmoen du yóm gónó tekuy mogot, abay se bong muhen béléen ke hefligalen yóm gónón mogot yó.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

Danyél 3:16

Yó balà le Sadrak ne Misak ne Abidnigu du, mon le, “Ó Nibukadnisar, laen mu me malà kóm bè yóm udélem yó.

2 Tutul Israél 32:20

Omin Hisikaya yóm tau hol geta lewu le yóm tugod Dwata boluyen Isaya ngà Amus, hendlà mni ebè Dwata.

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”

1 Kurin 7:21

Ke uu sotu tau klifen bè yóm kdaw ktaba Dwata kóm, kem kunen ne yó. Okóm ke wen se lanem gewà gu lemen, sawang là hewai.

1 Bok Kem Tau Hol Geta 8:28

Ó Dwata yóm sana do Dwata hol gónó mogot, hol kenmónem yóm hnihu béléem nim kemdaw ni. Hol hnungolem yóm henkoduhu béléem ni, ou se sotu tau tóbóng lówóhem.

Jirimaya 32:16

Tikóng deng oguhu ke Baruk yóm klatas tonok yó koni ominu mni bè Dwata, monu,

Danyél 6:10

Timbow tngón Danyél yóm deng kefema Daryus du yóm udin yó, tódô mulék ebè gónóen ne husek elem yóm sotu dfélen nô ta, uma kóm smolu ebè Jirusalim yóm tembó bengen ne tódô mtud bukol bè yó mni ebè Dwata. Ni se yóm sana kun gel nmò na tlu duléken sendaw mni bè Dwata, mung du yóm tey kdóyónen du.

Matyu 6:34

Duhen yó, bê ye tnafa nawa yóm elem haya. Yó he kehedem ye du yóm yó ke deng bangen sut bélê ye. Ke gel tnafa nawa ye yóm elem haya, olo ye mom bud temnù yó kem mgel deng gel sut bélê ye ket haya.”

1 Timuti 2:1

Duhen yó, ni hol tanay hlolou kóm. Ke gel ye stifun bè simbahan, hol gel hni ye bè Dwata yó kem dumu ye tau, hol hmung ye du yóm kdóyón ye ke Dwata.

1 Timuti 5:5

Yóm libun bolu tahu laen bang gónón ma, tek són Dwata dé gónón hefet nawan, ne là kóen skó tendo knihen bè Dwata, keten kifu ne keten kdaw.