Flipay 4:5 - Udél Dwata: Gna Kesfasad ne Lomi Kesfasad

⁵ Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

Flipay 4:5 Referans Kwoze

Matyu 6:25

Yó gónóhu mon du mò kuy,” mon Jisas, “bê ye abay tnafa nawa yóm kmò kken ye, ne yóm kmò kinum ye, duhen ke kmò knes ye. Sélét mom kken ye ne là gbek Dwata du, anì sem klowil ye du, Dwata tehe mò du. Ne sélét mom knes ye ne là gbek Dwata du, anì sem lówó ye yó du, Dwata tehe mò du.

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Hibru 10:37

Abay se deng wen monen bè Sulat Dwata, yó monen, “Là buden legen ne kkól yóm tau nangat ye, laen kô bud gónón ganggà ne.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

1 Kurin 6:7

Bè yóm keskukum ye yó, olo ye mom hemyak knô ye. Mom hyu he ke tódô henbala ye ke wen gel lemugi kuy, dalang se ke wen gel mnagaw kimu ye.

Hibru 10:25

Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.

Deng Hegfan 22:7

Ne omin Jisas mudél, monen mò do, “Ngem móyóne bud kól ne ni. Tey bong kligalen kun yóm tau mimón du yóm deng eles tulónen bè nim bok ni.”

1 Kurin 8:13

Duhen yó, ke lemwót bè yóm gel kutónu gónón lemwót btang yóm sotu dumuhu hemtahu, tumù nawahu là dog kem mutón efet katayu, anì laen dù lanu hebtang du elem salà yóm dumuhu hemtahu.

Matyu 6:34

Duhen yó, bê ye tnafa nawa yóm elem haya. Yó he kehedem ye du yóm yó ke deng bangen sut bélê ye. Ke gel tnafa nawa ye yóm elem haya, olo ye mom bud temnù yó kem mgel deng gel sut bélê ye ket haya.”

Deng Hegfan 22:20

Yó udél Jisas, yóm fen gemtanud du ni kem ni, monen, “Bong tahu se. Móyóne bud kól.” Ne monu se mò du, “Yó sen géhéli kut, Jisas, yóm hol gónó mogot.”

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

1 Kurin 9:25

Yóm tau mung bè yóm skuya mlóy, tey khotuhen gelen mò du yóm gónón kemgis lem lówóhen anì angat matù. Ewenem yó, yóm ofolen bè yóm katuen, là kóen dog legen, sana sidek. Okóm yó dum ofol guta tekuy kem tau hemtahu, laen kô mtukul ksideken.

2 Tisalunika 2:2

Hol bê ye abay kendel hesbeweg kehedem ye, ne bê ye hlangaf ke gungol ye deng gefet kun yóm kdaw kkól yóm gónó tekuy mogot. Déke wen se mon du lemwót bélê me nim tulón ni bè yóm tehe ktugod me ke Dwata, duhen bè yóm tehe ktolok me, duhen ke tehe tulón me bè sulat.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.