Flipay 4:19 - Udél Dwata: Gna Kesfasad ne Lomi Kesfasad

¹⁹ Ke Dwata kun, lemwót bè yóm tey kendengenen, gotu blayen kuy yóm gónó ye élél hlanen bè Krays Jisas.

Flipay 4:19 Referans Kwoze

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Malakay 3:10

Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

2 Samwél 22:7

Bè yóm alì ksidek kegnómu du, tmabahe ebè Dwata. Htóbónge béléen. Tahu se, hnungolen ou bè yóm gónô gónóhen nô. Gungolen yóm tey kmou nmò ebéléen.

Kem Lingón 36:8

Tendo henkenem lu lemwót bè yóm tey ken deng eles nô bè gónóem. Ne gel hinumem kul yó kem kóm él mlel alì hyu bélê le.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Sulat Pol Ebè Yó Kem Tau Hemtahu Bè Rom 8:18

Ke hendem tekuy yóm tey kehyuhen yóm angat hegfan Dwata bélê tekuy hulin kdaw, tek élél yóm keglayam tekuy nim kmoen ni.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Sulat Pol Ebè Yó Kem Tau Hemtahu Bè Rom 9:23

Yó gónón mò du nim ni mò gónón hegfan yóm tey alì kehyu kmoen ebélê tekuy kem tau deng knoduhen, kem tau deng eles néléken mò angat megdóyón béléen.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Kem Lingón 130:7

Ó kem tau Israél, hol ye smalig bè Dwata, abay se là kóen monol yóm kbong nawahen tekuy. Hol nô bè nawahen yóm któbóngen tekuy.

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

2 Tutul Israél 18:13

Okóm yó balà Mikaya du, monen, “Mlan bè boluy yóm Dwata là matayen, són olo tulónu yóm htulónen dou.”

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

Sulat Pol Ebè Yó Kem Tau Hemtahu Bè Rom 1:8

Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.

Kun Snulat Jan 20:27

Ominen mon du mò ke Tumas, “Ó Tumas, ni hnénégem hólólu, ne duem bè haliu tdokem. Ne bud duem bè sol halì bè klabihu yóm hólólem. Béem bud hegewu nawahem, hol hentahuhem ne yóm deng klowilu.”

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Filimun 1:4

Ó Wè Filimun, sal gel utómu uu bè yóm gel knihu bè Dwata, mung du yóm tey kdóyónu du,

2 Kurin 12:21

Sotu tnafa nawahu ke mógówe edyó, kô fen henyak Dwata ou lem blóng ye, ne angat btang lewoku ke dê tau tonu là deng hen-gsel le du yó kem sidek tehe nmò le, duhen yóm alì kektes le du yóm knóyô lówó le ne yóm kmò le samuk.

Matyu 6:32

Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

Flipay 4:7

Ke ni se gel nmò ye, gnóm ye yóm kenek nawa lemwót bè Dwata. Yóm kenek nawa yó, là gbek tekuy hmingón du yóm mò kmoen. Ke deng gnóm ye, là kóen bud sbeweg ne kehedem ye, baling menek kegnóm ye du lemwót bè yóm deng kessotu ye bè Krays Jisas.

2 Tutul Israél 31:8

Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.