Flipay 4:15 - Udél Dwata: Gna Kesfasad ne Lomi Kesfasad

¹⁵ Deng hónô tngón ye se kuy, yu kem tau bè Flipay, yóm le kuléku gu dyó bè kuy prubinsya Masdunya bè yóm tehe kbutu tmolok lem blóng ye yóm Tulón Hyu, sónen yu se yó kem hemtahu bè yó gel tmóbóng dou. Laen kô dù dumu tau fen tmóbóng do bè filak, són sem yu.

Flipay 4:15 Referans Kwoze

Flipay 1:5

lemwót bè yóm tey któbóng ye dou bè yóm kwitu du yóm Tulón Hyu. Tódô lemwót bè kbut yóm kehtahu ye yóm tendo któbóng ye dou efet nim kmoen ni.

Kul Nmò 16:40

Tahu se, lemwót le Pol lewu le Silas, hlós le ebè gónô Lidya. Sentifun le yó kem dumu le hemtahu bè yó, bud genduf le lu bè kehtahu le, omin le yó bud lemwót.

2 Bok Kem Tau Hol Geta 5:20

yó hendem Gihasi, yóm tau tóbóng lówó Ilaysa, “Tódô kem hewóten Naaman yóm tau lemwót bè Aram, yóm amohu là kô dog henmóyóen du yóm tô blayen du. Mlan bè boluy yóm Dwata là matayen na ktes dé anì wen nwahu béléen.”

2 Bok Kem Tau Hol Geta 5:16

Okóm yó balà Ilaysa du, monen, “Mlan bè boluy yóm Dwata là matayen, yóm dou tendo nimón, là kô henmóyóu du yóm basahem do yó.” Tey kubug Naaman du anì henmóyóen yóm basahen du, okóm là kô nwa Ilaysa du.

Sulat Pol Ebè Yó Kem Tau Hemtahu Bè Rom 15:26

Ni kem tóbóng ni, lemwót bè yó kem tau là Ju le deng hemtahu bè yó kem benwu snakuf Masdunya ne Akiya. Tódô lemwót bè nawa le yóm blay le yó mò tóbóng le yó kem tau élél hemtahu bè Dwata bè Jirusalim.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

Flipay 1:12

Ó kem dumuhu setwoli, kóyóu ke tngón ye laen kô gónón gseng yóm Tulón Hyu gel nwitu balù nim kwen gfau ni. Deng mom temnù tau temngón du.

Flipay 1:16

Ni kem tau hyu knawa le ebéléu ni, tey kbong nawa le do, abay se tngón le yóm deng hmò Dwata do, duhen yóm gel kfihu du yóm Tulón Hyu.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,