Flipay 4:13 - Udél Dwata: Gna Kesfasad ne Lomi Kesfasad

¹³ Laen dù là gbeku du lemwót bè yóm kfasang Krays béléu.

Flipay 4:13 Referans Kwoze

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Kulasi 1:11

Dwata he hol temgel nawa ye lemwót bè yóm tey kegbeken bélê ye anì gbek ye hembala du balù kihu sut bélê ye, mlan bè yóm khanay nawa ye. Lemwót bè kligal ye tódô senflós ye dmóyón ke Dwata. Yakà deng henbalingen yu kem kun tau anì wen kuy du tu kem deng tgamahen bè kun tau ditu bè longit bè yóm tey benwu lemayag nogoten.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

Matyu 14:29

“Géhéli sen,” mon Jisas. Mung tódô kekmó Pitér ta yóm ówóng le, tódô mógów ta yóm él etu bè Jisas.