Flipay 4:12 - Udél Dwata: Gna Kesfasad ne Lomi Kesfasad

¹² Deng kem hónô lanu ne dou yóm élél, ne deng lanu se yóm kwen gónóhu wen. Deng dnalangu ne dou nim kegsengel nawa ni, balù kihu gónóhu nô, ne kihu kdaw. Gsengel nawahu ke gemtuhe duhen ke bitile, ke wen gónóhu wen duhen ke éléle.

Flipay 4:12 Referans Kwoze

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

2 Kurin 11:27

Tey gel kmou nmò efet sidek klitegu. Tey dê duléku ne là gel gtungô. Dê duléken se sidek kbitilu ne sidek kleengu. Tey dê duléken se laen dù gónóhu ma mò kenu, ne laen se dù bud gónóhu e mefet, lelen laen dù hol gel nesu.

2 Kurin 11:9

Balù yóm tehe kwen gónóhu élél bè yóm tehe knóu lem blóng ye, là kô dog tulónu du kuy. Mom yó kem dumuhu hemtahu lemwót gu bè prubinsya Masdunya lemowil do. Là kóe htóbóng bélê ye bè yóm kdaw yó, ne là se kóe htóbóng bélê ye elem hulin kdaw snéen.

Dwata 32:10

Tehe tonen lu bè yóm benwu laen hol wen tauhen, yóm benwu balù udì ke wen mowil du. Són luk lenos gungolem bè yó. Bede yó nmò Dwata, kenlungen yó kem kun tau ne sen-gyoken lu. Lómó kesgifaen kul lómón ke kimu alì mebtes béléen.

Isaya 8:11

Wen eles hetgama Dwata dou mlan bè yóm tey kfasangen. Là kóyóen du ke lolou yóm lan lolò yó kem dumuhu tau. Yó udélen ebéléu, monen,

2 Kurin 11:7

Klawihu deng gel tmolok lem blóng ye yóm Tulón Hyu lemwót bè Dwata, là kóe na a deng mni ofol bélê ye, balù slad. Denge mom heglaan bélê ye anì wen lanu hegeta kuy. Yó kô yóm salau bélê ye?

2 Kurin 10:10

Wen se gel mon du kun, “Tey des udélen yóm Pol ke bè sulat. Okóm ke suyó tekuy du, tey tau lunog, là hulungen mudél.”

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Jirimaya 31:19

Deng tódô knogol me uu, okóm ni móyô me bud semfulék ebéléem. Kogol yóm ktafakem kum, tey sidek kegnóm me du. Tey sidek kyak me, abay se gotu me gemsalà lemwót bè yóm hanà kngà me.’ ”

Nihimaya 9:20

Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”