Flipay 4:11 - Udél Dwata: Gna Kesfasad ne Lomi Kesfasad

¹¹ Là kô yó du gónóhu mon du yó koni ke mone gónóhu tmulón du kuy yóm kélélu. Deng hónô dnalangu dou yóm kegsengel nawa balù kihu nô béléu.

Flipay 4:11 Referans Kwoze

Flipay 3:8

Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

2 Kurin 9:8

Ne bè yóm gel blay Dwata ebélê tekuy, sal gel nmoen lukasen anì tódô ket du bè yóm wen mu tekuy du, ne anì hol wen gónó tekuy ma mò tóbóng tekuy kem dumu tekuy tau.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Hibru 10:34

Ne gel ye gbót glayam bè yóm kegkukub yó kem dumu ye hemtahu. Balù yó kem tau mled kimu ye, là kóen sidek kehedem ye ebélê le, mom wen he yóm kuy kehligal, abay se deng tngón ye wen yóm tey kuy kimu alì hyu laen dù sónen ditu bè longit.

2 Kurin 11:27

Tey gel kmou nmò efet sidek klitegu. Tey dê duléku ne là gel gtungô. Dê duléken se sidek kbitilu ne sidek kleengu. Tey dê duléken se laen dù gónóhu ma mò kenu, ne laen se dù bud gónóhu e mefet, lelen laen dù hol gel nesu.

Kun Snulat Luk 3:14

Dalang se yó kem sendalù, wen se kul snólók bè Jan, mon le, “Kmò kum du? Tedu de nmò me?” Ne yó balà Jan kul, monen, “Bê ye abay tódô gmaga filak bè yó kem tau, ne bê ye abay tódô tmifù kéng. Ne bê ye gel nalum se sukéy ye.”

Tekang Kbuten 28:20

Ominen wen udél Jakub ebè Dwata, ne wen tey fasad mget hmungen du, monen, “Ó Dwata, ke elesi tendo nô béléu, ne ke kenlungem ou bè nim kógówu ni, ne ke wen gónóhu ma kenu ne nesu,

Kehewà 2:21

Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.