Flipay 4:10 - Udél Dwata: Gna Kesfasad ne Lomi Kesfasad

¹⁰ Lemwót bè yóm kessotu me yóm gónó tekuy mogot, tey bong kligalu bè yóm tóbóng ye bud sut béléu. Tngónu yóm gónó ye là géhél hemwit ebéléu, là lemwóten bè yóm là kehedem ye do, okóm lemwót bè yóm klaen dù lan ye hemwit du ebéléu.

Flipay 4:10 Referans Kwoze

2 Kurin 11:9

Balù yóm tehe kwen gónóhu élél bè yóm tehe knóu lem blóng ye, là kô dog tulónu du kuy. Mom yó kem dumuhu hemtahu lemwót gu bè prubinsya Masdunya lemowil do. Là kóe htóbóng bélê ye bè yóm kdaw yó, ne là se kóe htóbóng bélê ye elem hulin kdaw snéen.

Glasya 6:6

Sotuhen, ke wen tau tmolok udél Dwata bélê ye, bong knóón ke gel benlay ye ke gel wen ton ye.

Flipay 1:3

Tey gel kdóyónu ke Dwata bè ket gel kehedemu kuy.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

2 Kurin 6:7

Ne sotuhen, duhen yóm gel ktolok me du yóm hol ktahuhen, ne yóm gel kehegfan Dwata bélê ye yóm kun kfasang. Yóm ktedeng nawa me, yó se henged tók eles tendo kulóng sigel kwanan me, ne lómón ke klung eles tendo nogot me sigel iwóng.

Kem Lingón 85:6

Bud hnomihem mi anì bud me hligal ebéléem, mi kem kóm tau.

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.

Husiya 14:7

Na le na bud heklung béléu he yó kem dou tau. Angat tey tilob klowil le, hol lómón ke yóm halay tilob ktowoken ne lómón ke yóm grép tilob kbunguhen. Angat tey któtól le, hol lómón któtól yóm tifas grép nmò le bè Libanun.

2 Tutul Israél 31:8

Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.