Flipay 3:9 - Udél Dwata: Gna Kesfasad ne Lomi Kesfasad

⁹ ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Flipay 3:9 Referans Kwoze

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Glasya 2:16

Okóm deng tngón me ne, tek sotu gónón tedeng kton Dwata du yóm tau, tek són bè kehtahuhen bè Jisas Krays. Là kóen lemwót bè yóm kloloen du yóm hlau Musis yó. Yó gónó me hemtahu bè Krays Jisas se kum kem Ju anì tedeng kton Dwata kum lemwót bè kehtahu me béléen. Là se kóen lemwót bè yóm klolò me du yó kem hlau Musis, abay se laen kô deng tau he ke tedeng kton Dwata du lemwót bè kloloen yó kem hlau.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Flipay 3:6

Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Sulat Pol Ebè Yó Kem Tau Hemtahu Bè Rom 10:10

Abay se lemwót bè yóm kehtahu tekuy, yó se gónón baling tedeng kton Dwata tekuy. Ne lemwót bè yóm gel ktulón tekuy du bè kem dumu tau yóm deng kehtahu tekuy, yó se gónó tekuy gewà gu lem hatay.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Kem Lingón 143:2

Hol béem tagad knukum ou yóm tau tóbóng lówóhem, abay se laen kô dù tau mowil talak tonok ke tedeng ktonem du.

Kem Lingón 19:12

Laen kô dù tau ke dilóen yóm kun gónó là tedeng. Yó gónóm mon, tnóbóngem ou, Dwata, anì là gwiten dou yóm là tedengen bè yóm là dilóu du.

Kem Lingón 14:3

Okóm deng le mom gotu hetlas, hono sidek nmò le. Laen kô dù tonen bélê le ke tedeng nmoen, balù sotu.

2 Tutul Israél 32:25

Okóm là kô bnalà Hisikaya du yóm tey kehyu nawa Dwata ebéléen, deng mom heklabak. Yó gónó Dwata alì lembut du, bud lenbuten snéen yó kem tau bè Juda ne bè Jirusalim.

1 Bok Kem Tau Hol Geta 8:46

Ke gemsalà le béléem yó kem tauhem, abay se laen dù tau ke là gemsalaen, ne lemwót bè kebutem kul là kô hegmoem kul bè yó kem hohon le, ne gotu negef le lu etu ebè tólóng benwu mayuk duhen ke benwu moni,

Tekang Kbuten 7:23

Gotu genlà Dwata kdéen mowil talak tonok, kdéen tau ne kdéen ógóf ne kdéen onuk koyu. Tek són Nuwa dù tebel ne yó kem mung du elem yóm kafalen.

1 Jan 3:4

Ke sok mò salà yóm tau, deng nuléhen ne yóm hlau Dwata. Abay se yóm gel mon le salà, yó se yóm nmò gónó le mulé du yóm hlau Dwata.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Sulat Jim 3:2

Kdê tekuy, sal gel wen gónó tekuy gemsalà. Okóm yóm tau laen dù salà sumóngen, deng tahu gulit ne yóm tau yó, deng hulung mit ktauhen.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Isaya 46:13

Igoen deng moni yóm kehegmou kuy, móyónen htó ne laen kô bud gónón ganggà. Angat lenwau Jirusalim ne hegetahu yó kem tau Israél bè yó.” Là gomongen bè nili yóm tsaptér 47. Yó tulónen bè ni yóm eles ktulón Isaya du yóm angat kegbà Babilun, yóm benwu alì tótól bè ksidek gel nmò le. Tulón Dwata bè yó kem tauhen yóm kéléken yóm benwu Babilun mò tmafak kul, okóm alì gedlug yóm kmò kem tau Babilun kul. Balù udì ke wen kodu le yó kem tau Israél. Okóm yó mon Dwata ebè yó kem tauhen, “Yóm alì gfà ye, bud huléku eta yó kem tau Babilun ne là kô le gewà du. Balù sotu bè yó kem gel snalig le ke tô gembek lemwà kul, balù yó kem wè le, ne yó kem tau wen gónó le ma, ne yó kem tau gónó le hmungol hlau duhen ke yó kem tau hulung temngel kógów blotik, là kô na le e gbek du lemwà kul.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

2 Tutul Israél 32:31

Okóm bè yóm kdaw kwen kem genlal lemwót bè Babilun na a hemtukul smólók yó kem hentaw ton deng ton le bè Juda, yó nmò Dwata, tódô bayaen Hisikaya anì bè yó gónón temngón du yóm hol nô bè nawa Hisikaya.

Dwata 27:26

‘Hol tnafak Dwata yóm tau là mimón du yóm kdê hlauhen ne yóm kdê toloken.’ Ne kdéen tau gotu malà du, mon le, ‘Tahu yó.’ ”