Flipay 3:8 - Udél Dwata: Gna Kesfasad ne Lomi Kesfasad

⁸ Là sónen du yóm monu yó koni yóm tebelu. Deng gotu tebelu snéen yóm kentihen tehe gel lolou anì gutahu yóm alì bong muhen senta le, duhen yóm ketngónu ke Krays Jisas yóm gónóhu mogot. Lemwót bè yóm ketngónu du, tódô gotu tebelu ne yóm gna lolou, hol lómón ke desenfól kehedemu kul anì duhe kóm, hol tngónu Krays,

Flipay 3:8 Referans Kwoze

Sulat Pol Ebè Yó Kem Tau Hemtahu Bè Rom 8:18

Ke hendem tekuy yóm tey kehyuhen yóm angat hegfan Dwata bélê tekuy hulin kdaw, tek élél yóm keglayam tekuy nim kmoen ni.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Flipay 3:7

Okóm tódô tebelu ne yó kem yó, yóm tehe alì bong muhen béléu. Deng dilóu laen dù nefeten. Deng tlesu du ne yóm tahu bong muhen, duhen Krays.

Kun Snulat Jan 17:3

Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.

Flipay 3:10

Tek són yó hol sen-galuhu ni kmoen ni, duhen yóm ketngónu ke Krays, ne ke gnómu bè klowilu yóm tey kegbek Krays bè yóm deng klowilen gu lem hatay. Kóyóu ke gnómu snéen dou yóm tehe keglayamen anì mkéle du bè yóm tehe katayen,

2 Pitér 1:3

Lemwót bè yóm alì kfasang Dwata gónón tódô ket du yóm któbóngen tekuy anì gulit tekuy bè yóm klolò tekuy du. Ne mlan bè yóm deng ketngón tekuy ke Jisas Krays, gónó tekuy gomong béléen bè yóm tey kegetahen ne yóm tey kehyuhen.

1 Kurin 2:2

Okóm bè yóm tehe knóu lem blóng ye, tek sotu yóm tulón nwitu, són Jisas Krays ne yóm katayen bè kros.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Kun Snulat Jan 17:8

Deng gotu tulónu kul yóm tulón lemwót gu béléem, ne deng gotu henmóyô le se. Tngón le yóm kewótu gu dyó béléem, deng hentahu le yóm khógówem dou.

Kun Snulat Jan 14:20

Bè yóm kdaw bud kton ye do yó, tódô tngón ye yóm kessotu me Mà, ne angat tngón ye snéen yóm kessotu tekuy.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Kun Snulat Jan 14:7

Lemwót bè yóm deng ketngón ye do,” monen, “angat tngón ye se Mà. Nbuten ni ne deng ketngón ye du ne deng ton ye.”

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Ifisus 4:13

Yó hol nefeten nim ni, baling tekuy ssotu bè yóm kehtahu tekuy ne bè yóm ketngón tekuy du yóm Ngà Dwata. Ngangen ne efet tekuy baling gulit, efet gsenged tekuy yóm hol kun kmò Krays.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

2 Timuti 4:6

Béléu dou, là holen bud té ne nim dou knô te tonok. Móyónen hto yóm dou buteng.

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Kun Snulat Jan 16:3

Yó gónó le angat mò du bélê ye ni kem ni, abay se là tngón le ke Mà, ne là tngón le do snéen.

Kem Lingón 126:6

Yó kem tau tehe mkik bè yóm igò le mehek, angat tey kligal le semngal sok bang le muta.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

1 Pitér 2:7

Yóm botu monen yó, alì bong muhen bélê ye, yu kem tau hemtahu. Okóm bè kem tau là hemtahuhen, wen monen bè Sulat Dwata, yó monen, “Wen botu deng senkbê yó kem tau hemdà gónô, ofo kul ke laen dù muhen. Igoen són yó yóm botu bong muhen bè kdéen.”

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

1 Kurin 9:10

Okóm ebélê tekuy se hol gónón e gbak. Yó gónóm mon, bè yóm kmò le nmò yó kem tau dmadu ne yó kem tau muta, bong hendón le ke wen ofol le du yóm nmò le yó.

Kun Snulat Jan 20:13

Mon le, “Ó Lenibun, tedu nkikem yó du?” Mon Midi se kun, “Deng nwa le lówó yóm gónóhu mogot, ne là tngónu du gónó le e hemsù du.”

Kun Snulat Luk 11:20

Tódô lemwót bè yóm kehtulus Dwata do yóm kegbeku hdó busaw. Ne ni se gónó ye temngón du yóm deng kkólen lem blóng ye yóm kogot Dwata tau.

Lista 14:30

Deng tehe fasaden kuy se yóm angat knô ye ditu okóm laen dù bélê ye gehlós edu, tek són le Kalib yóm ngà Jifuni, lewu le Juswa yóm ngà Nun.

Kun Snulat Luk 1:43

Ukel kóem nauyem ni dum ou nii, igoen uu se yê yóm gónóhu mogot.

Malakay 2:3

Yó kmò ktafaku kuy là kô ye bud mból, laen kô dù bud ngà ye. Ne angat gotu tudau elem uyó ye kê yó kem ógóf gel dsù ye ebéléu ne mung botu yu e desenfól.Omin ye yó he temngón du ou se deng hlolò du kuy yóm dou hlau anì laen dù sengen yóm deng tehe senfasad me yó kem sfu Libay, duhen yóm kehlós yóm keseblóng le kem tau Israél ebéléu. Ke tódô bayau yóm kmò ye sidek, là gbeku du ke là genbau du yóm tehe senfasad me yó,” udél yóm Dwata laen dù là gbeken du.

1 Bok Kem Tau Hol Geta 14:10

Lemwót bè yóm deng kkogolem do, angat wen heglumfaku yó kem fes lówóhem, ne angat hnatayu yóm kdéen ngà logi bè kdê fes lówóhem, hesek duhen ke là heseken. Angat gotu ntemu yó kem semfu gu béléem tô mogot benwu, hol lómón ke bnes ktemu kul, ngangu mò du efet laen dù bud tebel.

Kem Lingón 73:25

Laen dù dumu gónón nô nawahu bè longit, són uu. Senged se bè ni te tonok, laen dù dumu gónón nô nawahu, són uu.

Sulat Pol Ebè Yó Kem Tau Hemtahu Bè Rom 8:39

balù yó kem htulus Seitan lemwót gu te kmawang, duhen ke lemwót gu lem tonok, ne yóm kdéen deng dlimun Dwata, laen kô gembek semkó tekuy bè yóm kbong nawa Dwata tekuy, hlanen bè yóm gónó tekuy mogot Krays Jisas.

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.

Flipay 3:12

Ni kem monu ni koni, là monu du dé ke deng gotu ketu mò du, duhen ke denge hol gulit. Okóm yó dé hol nmou, hotuhu gelu kemtes du anì angat gutahu yóm ofol blay Krays Jisas dou, yakà yó du uléken yóm tehe kfunen dou.

2 Pitér 1:2

Yake hol temnù yóm któbóng Dwata kuy ne yóm kenek nawa blayen kuy mlan bè yóm ketngón ye ke Dwata ne yóm gónó tekuy mogot Jisas.

2 Pitér 1:8

Ke lómón yó yóm tendo gel nmò ye, ne ke là hluda ye mò du, tey wen uléken yóm deng ketngón ye yóm gónó tekuy mogot Jisas Krays.