Flipay 3:6 - Udél Dwata: Gna Kesfasad ne Lomi Kesfasad

⁶ Lemwót bè yóm alì kkinì nawahu lemolò du, botong gotu genlau yó kem tau hemtahu bè Jisas. Ke yó gónón baling tedeng yóm tau lanen lemolò du yó kem hlau, kaem laen dù gónó le gemsanil dou.

Flipay 3:6 Referans Kwoze

Kul Nmò 8:3

Yó nmò Sol, sónmoen tendo tô gemlà yó kem tau hemtahu bè Jisas. Tódô keten gónô mebel kul yó kem tau hemtahu bè Jisas, libun duhen ke logi, gotu kenfóen lu, ne suen lu lem blanggù.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

1 Kurin 15:9

Yakà ou du yóm alì glaan bè yó kem tau gel hógów Krays. Là kóen knóón béléu ke tnaba le o sotu bè yó kem gel hógówen, bà mon se yóm tey tehe alì gel kehsideku yó kem tau hemtahu bè Dwata.

Sulat Pol Ebè Yó Kem Tau Hemtahu Bè Rom 7:9

Gu laanu là deng temngón du yóm hlau, ofo do mon du ke là gemsalae. Okóm timbow tngónu yóm hlau, yó he kdilóu du yóm kegsalau, ne tódô tngónu denge megtuled lem hatay.

Kul Nmò 26:5

Ke yó dum tulón le yóm ktahuhen, deng hónô tngón le ou se sotu bè yó kem Farisi, alì megdidif lemolò yóm hlau Musis.

Kul Nmò 21:20

Tey kdóyón le ke Dwata bè yóm kungol le du yóm tulón Pol kul. Ominen wen se kul tulón ke Pol, mon le, “Deng tódô kem tngónem ne kóó yóm deng tey hilu libu tau Ju deng hemtahu bè Jisas, okóm tolo alì mget klolò le du yóm hlau Musis.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Matyu 23:25

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Ke hningónu yóm kmò ye, lómón yóm tgayan ne yóm huyów olo ye molob tahen, là lemen. Igoen yóm nô lemen, tódô hono yóm deng gnaga ye lemwót bè yóm keseglom ye.

Kul Nmò 22:5

Baluen ke snólók ye yóm hol geta bè yó kem gel demsù ebè Dwata, dalang se yó kem geta mogot kukum lem blóng tekuy, ke kéngu nim monu ni. Bè yóm tehe kógówu ebè syudad Damaskus, wen sulat hnihu bélê le mò nitu ebè yó kem dumu le bè yó mò sulatu kemfô kdéen tau hemtahu bè yó. Tahu se, mógówe ebè Damaskus anì kenfóu lu, ne anì nfétu lu, ne nwitu lu ebè ni bè Jirusalim anì tnafak lu.”

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

Kmukum 6:30

Ne yó mon le mò ke Juas, “Hewaem ebélê me dini yóm ngaem ne me e hnatay. Deng genbaen yóm gónô demsù ebè Baal ne deng nofoken yóm hehek Asira yóm dwata libun.”