Biblia Todo Logo
Bib sou entènèt

- Piblisite -




Flipay 3:2 - Udél Dwata: Gna Kesfasad ne Lomi Kesfasad

2 Hol ten-gama ye yó kem tau sidek nmò le, kem tau alì sekban, kem tau alì móyô mò du bélê ye yóm tmulì.

Gade chapit la Kopi




Flipay 3:2
31 Referans Kwoze  

Là kô le tau tahu hógów Krays, kaem tau le tódô lembù mógów. Yóm kul nmò yó, mò gónó le smukat kuy, hlingu le tau hógów Krays.


Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.


Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.


Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.


Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.


Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.


Gotu senibut le ou yó kem tau mò sidek. Lómón ke slomong tey dê ohu lóbô, gotu le hloni ebéléu. Gotu nsék le sigelu ne tihu.


“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.


Lenwaem ou bè bak sudeng yó kem hohonu. Hol béem blay klowilu bè yó kem ohu lóbô yó.


Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”


Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.


Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.


Hol hgemelem kehtahuhem, ne béem abay nmò blóngem ebè Dwata. Nim monu ni, deng wen se kem tau gmafang du, ne yó gónón hlós lana kehtahu le.


Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.


Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.


Bè ktahuhen, yóm hol tahu tau Ju là lemwóten bè yóm deng kehtulien ne là yó du lewót gónó Dwata mfun du.


Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”


Yóm bud gel kdilut ohu yóm lewólen, hol lómón se yó yóm tau book ke là kóhen du yóm kbooken.


“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.


Yó gónón tahu yóm gel mon yó kem tau gnan ekni, yóm mon le, “Yóm ohu, bud gel kenen yóm lewólen. Ne yóm sdô lomi denyo, mom bud gel hlulid lem hitok.”


Bè yóm kdaw yó, angat tey dê tau knogol le kehtahu le. Ne knutó nawa le yó kem dumu le hemtahu, ne glef le ne hekfô kul.


Yu kem tau gel mò sidek, hlayuk ye béléu, yakà són hlau yóm do Dwata yóm dou lolò.


Swiv nou:

Piblisite


Piblisite